ସିନ୍ଧୁ ମହୋଦଧି ନଦୀ ମହାନଦୀ
ପର୍ବତ ମହେନ୍ଦ୍ରାଚଳ
ବୃକ୍ଷ କଳ୍ପବଟ କାରୁକାର୍ଯ୍ୟ ସ୍ପଷ୍ଟ
ଶ୍ମଶାନ ଯେ ସ୍ଵର୍ଗଦ୍ୱାର ॥
କଳା ଓ ସ୍ଥାପତ୍ୟ ସଂସ୍କାର ଜଡିତ
ଗିରି ବନ କନ୍ଦରରେ,
ଓଡ଼ିଆ ଉଦାର ସ୍ମୃତି ବିଜଡିତ
ଯା'ର ଭଗ୍ନ ମନ୍ଦିରରେ ॥
ମୋ ରାଇଜେ ବିଜେ ସ୍ୱୟଂ ଜଗନ୍ନାଥ
ସମନ୍ୱିତ ଜାତି ଧର୍ମ,
ଆକର୍ଷିତ ହେଲେ ଶଙ୍କର ନାନକ
ସାଲବେଗ ଶ୍ରୀ ଚୈତନ୍ୟ ॥
ଯୌବନେ କର୍ମ ବାର୍ଦ୍ଧକ୍ୟେ ବିଶ୍ରାମ
ଅନ୍ତିମ କାଳ ଆଶ୍ରୟ,
ଶୈଶବରେ ଲୀଳା ରଚିଛି ଯା'କୋଳେ
ମାତୃଭୂମି ମୋର ପ୍ରିୟ ॥
ଶିକ୍ଷା ସଭ୍ୟତାର ବିଶାଳତା ଭାବ
ଉନ୍ନତ ଯାହାର ଭାଷା,
ଓଡ଼ିଆଙ୍କ ଗର୍ବ ଗୌରବର ଭୁମି
ସେହି ମୋ ପ୍ରିୟ ଓଡିଶା ॥
ଉତ୍ତରା ଶାସନ, କୌଶଲ୍ୟାଗଙ୍ଗ, ପୁରୀ
VOL.IX, ISSUE.VI, JUNE-2025
Published By Banamallira Mahak
ପ୍ରକାଶିତ ଲେଖାଟି ଯଦି ପଢି ସାରିଛନ୍ତି, ଆପଣଙ୍କ ପ୍ରତିକ୍ରିୟା ଏଠାରେ ନିଶ୍ଚୟ ରଖନ୍ତୁ ।