ଇଛାହୁଏ ହଜିବାକୁ
ପ୍ରକୃତି କୋଳରେ
ପଖାଳି ଦିଅନ୍ତି କି ?
ମନଟାକୁ ବସି ଏକାନ୍ତରେ ।୧।
ସମ୍ପର୍କର ହାଟ ମଧ୍ୟେ
ବାଟବଣା, ନିଜକୁ ଖୋଜନ୍ତି
କ'ଣ ପାଇଁ ? କାହା ପାଇଁ ?
ଜୀବନର ଦୌଡ଼...
ନିରେଖି ଦେଖନ୍ତି ।୨।
ଉତାରି ଦିଅନ୍ତି ଯେତେ
ବୋଝ, ଦୁଃଖ, ଅବସାଦ
ଜୀଇଁ ଉଠନ୍ତା ପ୍ରାଣେ
ନୂତନ ଉତ୍ସାହ, ଆବେଗ ।୩।
ସୁନ୍ଦର ସବୁଜିମାକୁ
ହୃଦୟେ ଭରନ୍ତି
ସ୍ନିଗ୍ଧତା ଓ କୋମଳତା
ଭାବରେ ଆଣନ୍ତି ।୪।
ମଧୁର ମଳୟରୁ
ଆଣନ୍ତି ଜୀଵନ
ବୃକ୍ଷଠାରୁ ସହିଷ୍ଣୁତା
ଝରଣାରୁ ସମର୍ପଣ ।୫।
ସମ୍ବଲପୁର, ଓଡିଶା
VOL.IX, ISSUE.VI, JUNE-2025
Published By Banamallira Mahak
ପ୍ରକାଶିତ ଲେଖାଟି ଯଦି ପଢି ସାରିଛନ୍ତି, ଆପଣଙ୍କ ପ୍ରତିକ୍ରିୟା ଏଠାରେ ନିଶ୍ଚୟ ରଖନ୍ତୁ ।