ନିତ୍ୟ ଉଦ୍ଦୀପିତ ବକ୍ଷେ ଜଗାଇ ପ୍ରୀତି
ସଧୀର ନୀଳିମ ଊର୍ମି ନୀରୋଳ ଅତି
ପ୍ରତ୍ୟୁଷେ ଚିଲିକା ରୂପ ବିରୋଳ କୃତି ॥
ମଧୁର କାକଳି ମଧ୍ୟେ ମୀନ ଉଚ୍ଛୁଳେ
କିବା ବରଯାତ୍ରୀ ଯାଏ ପ୍ରଭାତୀ କାଳେ !
ହଂସ ହଂସରାଳି ଖେଳ ନୀଳାମ୍ବୁ ଜଳେ
ସିନ୍ଧୁ ଘୋଟକ ପହଁରା ଭାବ କବଳେ ॥
କ୍ଷୁଦ୍ର ଦ୍ୱୀପପୁଞ୍ଜେ ପୁଷ୍ପ ବସନ୍ତୋତ୍ସବ
ଉଲ୍ଲସିତ ମନ ଦେଖି ଦିବ୍ୟ ବୈଭବ
ବାସନ୍ତୀର ସ୍ଵନେ ମୁଗ୍ଧ ପଝାରି ଭାବ
ଗୀତ ଗାଇ ମାଝି ଧୀରେ ବାହୁଛି ନାବ ॥
ସୁନୀଳ ଲୋଳିତ ଦେହେ କାହା ପରଶ
ନିରୀହ କୋମଳ ହୃଦ ନିତ୍ୟ ସରସ
ପ୍ରତ୍ୟୁଷ-ପ୍ରଦୋଷେ ସଦା ଭାଙ୍ଗେ ଅଳସ
ସାଗରକନ୍ୟା ସେ ରୂପେ ଭରିଛି ହସ ॥
ପାବନୀ ଚିଲିକା ତୁହି ସରଗ ଭୂଇଁ
ଭାବୁକ ବିଳାସ ଚିର ଆନନ୍ଦମୟୀ
ଶାନ୍ତି କାନ୍ତି ଧର୍ମବତୀ କରୁଣାମୟୀ
ତୁମେ ତ ଚିଲିକା ତୁମେ ମା' କାଳୀଜାଈ ॥
ଛତ୍ରଗଡ, ବାଲୁଗାଁ, ଖୋରଧା
ଦୂରଭାଷ - ୯୯୩୭୩୦୦୪୧୨