ଶବଦ ତୋହର କି ମନ ଜିଣା ।
ପରବ କନ୍ଦରୁ ତୋହର ଜାତ
କାନନ ରାଣୀର ତୁହି ପଣତ ।
ତୋ' ପାଇଁ ସୁନ୍ଦର ଏଇ ମରତ
ତୋ' ଶୀତଳ ଜଳ ମଧୁ ଅମୃତ ।
କାହିଁ କେତେ ଦୂର ତୁ ବୋହିଯାଉ
କେତେ ଜୀବଙ୍କର ତୃଷ୍ଣା ମେଣ୍ଟାଉ ।
ଏହି ସକାଶରେ ତୋ'ର ଜନମ
ତୋ ପାଖରେ ନାହିଁ ଜାତି ଧରମ ।
ସେ ଲାଗି ଝରଣା କୋଟି ସଲାମ
ତେଣୁ ତୁ ପ୍ରାଣୀଙ୍କ ପରମ ପ୍ରେମ ।
ବୃକ୍ଷ ଲତା ରାଜି ତୋର ପରଶେ
ଦିଶନ୍ତି ସବୁଜ ସୁନ୍ଦର ବେଶେ ।
ନଦ ନଦୀ ନାଳ ଦେହରେ ଯାଇ
ମିଶୁ ସ୍ୱଚ୍ଛ ଜଳ ସମ୍ପଦ ବହି ।
ବିଧାତା ବିଶିଷ୍ଟ ଗୁଣଟି ଦେଇ
ଗଢିଛିରେ ତୋତେ ସଭିଙ୍କ ପାଇଁ ।
ଟିକି ଜୀବନେ ତୋ ବଡ଼ ପରାଣ
ସେଥିପାଇଁ ତୁହି କେଡେ ମହାନ ।
ଝରଣା ମାଳିନୀ ଭାରତ ମାଆ
ନଦନଦୀ ଯହିଁ ସୁନା ପାନିଆ ।
ଯାହା ନାହିଁ ଆମ ଭାରତ ଦେଶେ
ମିଳିବ କି କାହିଁ ଦୂର ବିଦେଶେ !
କୟାଁ, ମଙ୍ଗଳପୁର, ଯାଜପୁର
ଦୂରଭାଷ - ୯୫୪୦୩୦୮୦୯୫ (ନୂଆଦିଲ୍ଲୀ)