ତୋ'ପାଇଁ ମଙ୍ଗନ ତିଥି
ବୃହଷ୍ପତି ତୋତେ ସଦୟ ହୋଇଲେ
ମୋ ସମ୍ପର୍କ ହେଲା ଇତି ॥
ଗୁରୁ କରୁଣାରେ ବାଡୁଅ ପାଣିରେ
ଯେବେ ଦେଲୁ ଦେହ ଧୋଇ
ବଉଳ ପାଟରେ ତୋ'ଦେହ ଢାଙ୍କିଲୁ
ଅଳତା ସିନ୍ଦୂର ନାଇ ॥
ସାତସୁରେ ମଖା ସାହାନାଇ ଗାଏ
ସୁନ୍ଦର ମଙ୍ଗଳ ଗୀତି
ମଙ୍ଗଳ ବେଳାରେ ବୁଧ ପାହାନ୍ତିରେ
ତୋ'ପାଇଁ ମଙ୍ଗଳ ତିଥି ॥
ନୂଆ ଠିକଣାରେ ବସା ତୁ ବାନ୍ଧିଲୁ
ଡେଇଁ ତୋ'ଅଗଣା ଘର
ଆଲୋକ ଦାତାଙ୍କ ଦିବସ ଶେଷରେ
ଝୁମେ ଦେହ ମନ ତୋର ॥
ସେବେଠୁ ମୋ'ପାଇଁ ଦିନ ସରେ ନାହିଁ
ରାତି ବି ହେଉନି ଇତି
ମଙ୍ଗଳ ବେଳାରେ ବୁଧ ପାହାନ୍ତିରେ
ତୋ'ପାଇଁ ମଙ୍ଗଳ ତିଥି ॥
