ଚନ୍ଦ୍ରଚୂଡେ ତ୍ରାହି ତ୍ରାହି - ତପନ ଦୀକ୍ଷିତ

0

ଚନ୍ଦ୍ରାନନୀ ଲାଗି ଚନ୍ଦ୍ରଚକୋର ମୁଁ 
ଚନ୍ଦ୍ରା ତପେ ଅଛି ବସି,
ଅଙ୍ଗସଙ୍ଗ ତା'ର ଲଭିବାର ପାଇଁ
ବିତୁଛି ଆଜି ଯା ନିଶି ॥

କି କହିବି ବାରେ ମନର ବେଦନା
କିଏ ବା ଫେଡ଼ିବ ଦୁଃଖ,
କିଏ ବା ପଢିବ ହୃଦୟ ଶିଳାର
ବିରହର  ଅଭିଲେଖ ॥

କନ୍ଦର୍ପ ଶରରେ ଅଙ୍ଗ ଅଙ୍ଗ ଦହେ
ଚନ୍ଦନେ ଶୀତଳ ନୋହି,
ଚନ୍ଦ୍ରଚୂଡ଼ ନୁହେଁ ସଂସାରୀଟିଏ ମୁଁ
କାହୁଁ ବା ପାରିବି ସହି ॥

ଚାରୁବାଳା ମୋର ଲୀଳା କରେ ଯାହା
ହୃଦୟ କନ୍ଦରେ ରହି,
ନିଶି ଉଜାଗରେ ଜାଗର ବାସରେ
ଚନ୍ଦ୍ରଚୂଡେ ତ୍ରାହି ତ୍ରାହି ॥


ନାସିକେଶ୍ୱର, କାକଟପୁର, ପୁରୀ


Post a Comment

0Comments
Post a Comment (0)

ସୋସିଆଲ ନେଟୱାର୍କରେ ସେୟାର କରନ୍ତୁ