ଦେହେ ଲାଗିଗଲା ଅବିର,
ସ୍ଵପ୍ନ ରଙ୍ଗ ଟା ଭରିଲା ନାହିଁ
ନିଦହଜା ପଥ ମୋର ॥
ପଥର ଖସଡ଼ା ମନର ଗରଡ଼ା
ବାଆ ବତାସ ଡେଣା ଧରି,
ପକ୍ଷୀ ସିନା ମୁହିଁ ଜୀବନ୍ତଟେ ଆଜି
ସ୍ଵପ୍ନ ଶୋଉଛି ନିଦ ଭରି ॥
ଶ୍ରାବଣୀ ପ୍ରେମେ ଗଢ଼ିଥିଲି ସ୍ଵପ୍ନ
ତୋଳି ଆଣିବାକୁ ଜହ୍ନ,
ରାତି ପାହିଗଲା ଦିନ ସରିଗଲା
ମେଣ୍ଟିଗଲା ଆଜି ପାଦଚିହ୍ନ ॥
ଲୁହ ଢାଲିଥିଲି ଭାବନା କାଗଜେ
ଲହୁ ନେଇ ହେଲା ରଙ୍ଗି,
ବିରଳ ଆକାରେ ଅଛି ବହୁଦୂରେ
ମନ ଆଶା ସବୁ ଭାଙ୍ଗି ।
ସ୍ଵପ୍ନ ସରିଗଲା ପୁରଣ ନାହିଁ
ପୁରାଣରେ ବୋଲା ସାହି,
ଭାବ ଅଭାବ ସରିଲା ସ୍ଵଭାବ
ଲୁହ ବହେ କହି କହି ॥
ଚାଉଳଡ଼ିଆଁ, ଲାଠୋର, ବଲାଙ୍ଗୀର
