କୁଲ ସମାଜେ ତୋର ହୁଅନ୍ତି ଜନ୍ମ,
ନୂଆ ରୂପ ଧରି ଆସିବି ସାଥୀ
ତୋ ଜାତି ଧର୍ମେ ଥିବ ନାମ ।
ଭାଗ୍ୟରେ ଲେଖିବି ଭାଗଫଳ ମୋର
ଭାଗବଣ୍ଟା କରିବି ନାହିଁ,
ହୃଦୟକୁ ମୋର ଯୋଗରେ ଯୋଡ଼ିବି
ଭାଗଶେଷ ରହିବ ନାହିଁ ।
ଅସହ୍ୟ ବେଦନା - ଦଉଛି ଯାତନା
ସ୍ମୃତି ପ୍ରେମର କ୍ଷଣିକ ଭାର,
ଦୋଷର ନିନ୍ଦୁକ କଳଙ୍କ କୂଳକୁ
ଜାତି, ଧର୍ମ, ବର୍ଣ୍ଣ ମୋର ।
ଚୋରା ଚଇତିକୁ ଗଭୀର ପୀରତି
ନିଷ୍ଠୁର ଦୁନିଆର ରୀତି,
ପରମ୍ପରା ନାମେ ଭାଙ୍ଗିଗଲା ସବୁ
ଲୁହ ହେଲା ଜୀବନ ସାଥୀ ।
ସଜଫୁଲ ଥିଲା ପ୍ରେମ ଯେ ଆମର
କଣ୍ଟକିତ ଏହି ସବୁ ପ୍ରଥା,
ପ୍ରେମକୁ ମୋର ଗୁଣରେ ଗୁଣିବି
ଫେଡ଼ିବାକୁ ନଥିବ ଜାତି ବ୍ୟଥା ।
ଚାଉଳଡ଼ିଆଁ, ଲାଠୋର, ବଲାଙ୍ଗୀର