ଦୁରୁ ଯେ ଆସୁଛି ଧାଇଁ
ସେ କାହୁଁ ଜାଣିବ ଏଇ ଛାତିତଳେ
ଆଜିବି ଅତୀତ ଛାଇ ।
ଦେହ ଦହନକୁ ମାପି ସେ ପାରିବ
ମନ ଗହନକୁ ନୁହେଁ
ମିଛ ହସ ହସି କେମିତି କହିବି
ତୁମକୁ ମୁଁ ଭଲପାଏ ।
ସେ ଦୁଇ ଆଖିକୁ ଭୁଲି ପାରିବିନି
ନୂଆ ଠିକଣା ଟେ ପାଇ
କେମିତି ତା' ପାଇଁ ସିନ୍ଦୁର କିଣିବି
ଦୁରୁ ଯେ ଆସୁଛି ଧାଇଁ ।
ଏପଟରେ ହସ ସେଠି ଅବଶୋଷ
ମଝିରେ ଏଇ ଜୀବନ
ଭୁଲିକି ପାରିବି ବସନ୍ତ ଗୀତିକୁ
ହାତେ ଧରି ନୂଆ ଜହ୍ନ ।
ଅଲିଭା ଦାଗକୁ ଶେଷ ଦିନ ଯାଏ
ଲିଭାଇ ପାରିବି ନାହିଁ
କେମିତି ତା' ପାଇଁ ସିନ୍ଦୁର କିଣିବି
ଦୁରୁ ଯେ ଆସୁଛି ଧାଇଁ ।