ଫେରାଇ ଦିଅ ତା' ହସ - ବି.ନିରୁପମା

ଫେରାଇ ଦିଅ ତା' ହସ - ବି.ନିରୁପମା



ଫେରାଇ ଦିଅ ତା' ହସ 
                    ବି.ନିରୁପମା

ଘର ଅଗଣାର ତୁଳସୀ ତ ସିଏ 
ପୁଣ୍ୟତୋୟା ନଦୀ ଧାରା ,
ତା' ସମ୍ମାନ ଲାଗି ,ଆଜି ଉଠ ଜାଗି
ହେ ମାନବ କୁଳ ସାରା ।
        ନ କର ତା' ଅପମାନ ;
ଫେରାଇ ଦିଅ ତା' ଅତୀତ ଗୌରବ,
ସମ୍ମାନ ଓ ସ୍ୱାଭିମାନ ।

ନାରୀ ସ୍ନେହମୟୀ ,କଲ୍ୟାଣମୟୀ ଯେ
ସହନଶୀଳାଟି ସଦା ,
ନୁହଁଇ ତ ସିଏ କାଠ-ପାଷାଣର
ଖେଳଣା କଣ୍ଢେଇ କଦା ।
          ନୁହେଁ ବି ସେ କ୍ରୀତଦାସୀ ;
ଆବଶ୍ୟକ ହେଲେ ଶକ୍ତିମୟୀ ସାଜି
ପାପୀକୁ ଦିଅଇ ନାଶି ।

ଲଳନା ବୋଲି ସେ ଛଳନା କରନା
ହେବ ବିପରୀତ ଦଶା ,
ତା' ଦୀର୍ଘଶ୍ଵାସରେ ଜଳି-ପୋଡ଼ିଯିବ
ତୁମ ଭବିଷ୍ୟତ ଆଶା ।
         ତେଣୁ ହେ ମଣିଷ ଜାଗ ;
ନୁହଁଇ ସେ ଭୋଗ-ବିଳାସ ସାମଗ୍ରୀ
ତା' କଲ୍ୟାଣ କାର୍ଯ୍ୟେ ଲାଗ ।

କରନା ତାହାର ଅସମ୍ମାନ ଆଉ
ଦିଅନାହିଁ ଅପମାନ ,
ଦିଅ ତାକୁ ସେଇ ଅତୀତ ମର୍ଯ୍ୟାଦା
ଫେରାଅ ତା' ସ୍ୱାଭିମାନ ।
          ଫେରାଇ ଦିଅ ତା' ହସ ;
ସେ ହସର ପ୍ରତିଧ୍ୱନିରେ ଗୁଞ୍ଜରି-
ଉଠୁ ଏ ବିବର୍ଣ୍ଣ ବିଶ୍ବ ।

ମାମୁରିଆ ,ଛେଣ୍ଡିପଦା ,ଅନୁଗୋଳ ।

2 Comments

  1. ବହୁତ୍ ଉଚ୍ଚକୋଟୀର କବିତା।

    ReplyDelete
  2. କବିତାଟି ଭଲ ଲାଗିଲା।

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।