"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ଖୁସିରେ ଚଳିବେ ପିଲା - ବି. ନିରୁପମା

ଖୁସିରେ ଚଳିବେ ପିଲା - ବି. ନିରୁପମା


ବୁଲା ବାପା ତମେ କେତେ ବୁଣିଲଣି
ମୋଅର ହେଲାଣି ଚାରି ,
ଏ ଟୋକେଇ ପରା ବିକିବାକୁ ଯିବ
ସଅଳଟି ଦେଲେ ସାରି ।
ଆଣିଲେ ପଇସା କିଛି...
ଘର ଖରଚ୍ଚରେ ଲାଗିବଟି ସବୁ
ହିସାବ ବହୁତ ଅଛି ।

ରେବ ପାଇଁ ହେବ ହାତଘଡ଼ି ,ଚୁଡ଼ି-
ଝୁମୁକା,ଟିକିଲି-ଛତା ,
ବୁଲାର ପେଏଣ୍ଟ ,କିରିକେଟ ବ୍ୟାଟ-
ଖାତା ଆଉ ହଳେ ଜୋତା ।

ତୁମଲାଗି ଗଞ୍ଜି, ଗାମୁଛା ଆଣିବ
ପୁରୁଣା ହେଲାଣି ଇଏ ,
ରଖି ଦେଇଥିବ ସେ ସବୁ ପିନ୍ଧିବ
ଘରକୁ ଆସିଲେ କିଏ ।

ଗଲା ସପ୍ତାହରୁ ତେଲ,ଲୁଣ ଅଛି
ଫୁଟଣ ଯାଇଛି ସରି ,
ହାଟରୁ ଆସିଲାବେଳକୁ ଆଣିବ
ତାକୁ ଟିକେ ମନେ କରି ।

ଆର ସପ୍ତାହକୁ ଅଧିକ ବୁଣିବା
ପାଛିଆ,ଟୋକେଇ-ଡାଲା ,
ବଳକା ପଇସା କିଛିଟା ସଞ୍ଚିବା
ଖୁସିରେ ଚଳିବେ ପିଲା ।।

ବି. ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ

0 Comments