ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଆହେ ସର୍ବ ଶକ୍ତିମାନ - ବି. ନିରୁପମା

ଆହେ ସର୍ବ ଶକ୍ତିମାନ - ବି. ନିରୁପମା


ଏ ନୀଳ ବରନେ ଲୁଚି ରହିଅଛି
ଅନ୍ତହୀନ ସାରା ସୃଷ୍ଟି,
ମନଜିଣା ଦୁଇ ନୟନରେ ତୁମ
ଅସୀମ କରୁଣା ଦୃଷ୍ଟି ।

ଆହେ ସର୍ବ ଶକ୍ତିମାନ,
କୀଟୁ ବ୍ରହ୍ମଯାଏ ସର୍ବଵ୍ୟାପୀ ତୁମେ
ସବୁ ଅଟେ ତୁମ ଦାନ ।

ତୁମେ ପରମାତ୍ମା, ମୁହିଁ ଏକ ଆତ୍ମା
ତୁମରି କ୍ଷୁଦ୍ର ସ୍ୱରୂପ,
ତୁମ ଦ୍ୱାରା ଭବେ ପ୍ରେରିତ ହୋଇକି
କରୁଛି କାର୍ଯ୍ୟକଳାପ ।

ନୁହେଁ ମୁଁ ବିବେକ ହୀନ,
ତୁମରି ନାମକୁ ସ୍ମରଣ କରିକି
ସାରୁଅଛି ରାତି-ଦିନ ।

ତୁମ ପ୍ରୀତିଅର୍ଥେ କରମ କରୁଛି
ରଖି ପୂର୍ବକଥା ଧ୍ୟାନ,
ତ୍ୟାଗ କରିଅଛି ମାନସ ପଟରୁ
ଗର୍ବ, ଦମ୍ଭ-ଅଭିମାନ ।

କରିଥାଅ ମୋତେ ଦୟା,
ତୁମ ପଦେ ଚିତ୍ତ ରହିଥାଉ ଜଡ଼ି
ନ ଲାଗୁ ସଂସାର ମାୟା ।

ବି. ନିରୁପମା 
ମାମୁରିଆ, ଛେଣ୍ଡିପଦା, ଅନୁଗୋଳ