ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ସମ୍ବଲପୁରୀ କବିତା - ରକତେ ଲେଖିଛେଁ ଚିଠି - ସମୀର କୁମାର ମହାମଲ୍ଲୀକ

ସମ୍ବଲପୁରୀ କବିତା - ରକତେ ଲେଖିଛେଁ ଚିଠି - ସମୀର କୁମାର ମହାମଲ୍ଲୀକ


ମନ୍ ମାଗିଥିଲୁ, ମନ୍ ଦେଇଥିନି
ମନ୍ କେ ଦେଲୁ ମୋର୍ ଭାଂଗି,
ଫୁଲ୍ ଲେଖେ ମତେ ଛିଡେଇ ନେଇ
ଫିକି ଦେଲୁ ଟିକେ ସୁଂଘି  ।
ଜୀବନ୍ ଠାନୁ ଜହ ଜରୁରତ୍ ଥିଲୁ
ହେଲେ ଇ ଜୀବନ୍ ଦେଲୁ ଜାଲି ,
ଟାନୁଆଁ ଧାରେଲୋ ଟଁଟି କାଟି ଦେଲୁ
ହେଇକରି ବେଁକର୍ ମାଲି ।
ଧୋକା ପାଇ ତୋର୍ , ଦରଦ୍ ସହେବାକେ
ମୋର୍ ହୁରୁଦ୍ ନେ ନାଇଁନ ତାକତ୍ ,
ଶେଷ୍ ଚିଠି ତତେ ଲେଖୁଛେଁ ପ୍ରିୟାରେ
ମୋର୍ ଛାତିନୁଁ ଝରେଇ ରକତ୍ ।
ଯାହିଁ ଥିଲେ ତୁଇ ହଁସି ଖୁସି ରହ
ଦୁଖ୍ ନାଇଁ ଆସୁ କେଭେ ,
ଭୁଲିଯିବୁ ମନୁ , ପୁଛି ହେଇକରି
ତୋର୍ ଆଁଖି ଲହ ଝରବା ଯେଭେ ।
ମୋର୍ ଠାନୁ ତୁଇ ଦୁର୍ ହେଇଗଲୁ
ଦଇବ ଦେଇଥିଲା ଲେଖି ,
ସାରା ଜୀବନ୍ ମୁଇଁ ଖୁସି ହେମି ଲୋ
ତୋର୍ ମୁହେଁ ଖୁସି ଦେଖି ।

ସମୀର କୁମାର ମହାମଲ୍ଲୀକ
ମଧ୍ୟପଡା, କୁଶୁର୍ଡା, ସୋହେଲା, ବରଗଡ଼ 

0 Comments