ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତୋ ପାଇଁ - ସିଦ୍ଧେଶ୍ଵର ତ୍ରିପାଠୀ

ତୋ ପାଇଁ - ସିଦ୍ଧେଶ୍ଵର ତ୍ରିପାଠୀ


ତୁ ଆସିଲୁ  ବୋଲି ମହକିଲା ଫୁଲ
ହସିଲା  ରୂପେଲି ଜହ୍ନ
ମୋ ଦେହେ ଖେଳିଲା ପ୍ରୀତି ଶିହରଣ
ଚଗଲା ହେଲା ଏ ମନ ।

ନିଦାଘ ଜୀବନେ ଶ୍ରାବଣ ଝରିଲା
ପାଖରେ ତୋତେ ମୁଁ ପାଇ
ଦିନ ବିତିଗଲା ରାତିବି ପାହିଲା
ପ୍ରେମ ଗୀତ ଗାଇ ଗାଇ ।

କେଉଁ ରାଇଜରେ ଲୁଚି ରହିଥିଲୁ
ଏମିତି ଗୁପତ ଧନ
ତୁ ଆସିଲୁ ବୋଲି ମହକିଲା ଫୁଲ
ହସିଲା ରୂପେଲି ଜହ୍ନ  ।

ଫଗୁଣ ଫେରିଲା ରଙ୍ଗବି ଭରିଲା
ଅବଶୋଷ କିଛି ନାହିଁ
ତୋ ହାତ ପରଶେ ଯଉବନ ନାଚେ
ଦେହ ଦେଉଳକୁ ଚାହିଁ ।

 ବସନ୍ତ ପସରା ପ୍ରୀତି  ମଧୁଝରା
ସୁନ୍ଦର ଏ ମଧୁ ବନ
ତୁ ଆସିଲୁ ବୋଲି ମହକିଲା ଫୁଲ
ହସିଲା ରୂପେଲି ଜହ୍ନ ।

ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

0 Comments