ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବିଘ୍ନନାଶକ ମହାବିନାୟକ - ସତ୍ୟ ପ୍ରକାଶ ସେଠୀ

ବିଘ୍ନନାଶକ ମହାବିନାୟକ - ସତ୍ୟ ପ୍ରକାଶ ସେଠୀ

ଜୟ ବିଦ୍ୟାଦାତା ଗଣପତି ବାବା
ବିଦ୍ୟାର ଭଣ୍ଡାର ତୁମେ
ପେଟଟା ଥନ୍ତଲା ବୋଲି ତ ଭୋକରା
ବୁଦ୍ଧି କିନ୍ତୁ ଥାଏ ବାଟେ।। 1
ଏଡ଼େ ଅବାଗିଆ ମୁହଁଟା ହେଲେ ହେଁ
ବିଦ୍ୟା ବୁଦ୍ଧି ସବୁ ଠୁଳ
ତୁମେ ବିଘ୍ନରାଜ ସକଳ ବିଘ୍ନକୁ
ଅଚିରେ ବିନାଶ କର।। 2
ତୁମଠୁଁ ଅରଜି ବିଦ୍ୟା ବୁଦ୍ଧି ମୁହିଁ
ଜ୍ଞାନୀ ଗୁଣୀ ହେବା ଚାହେଁ
କେତେବେଳେ ତୁମେ ଏତେ ପାଠ ପଢ଼
ମୋତେ କହନ୍ତନି ଭଲେ। ।3
ସର୍ବଗିଳା ବୋଲି ପେଟ ପୂରେ ନାହିଁ
ଖାଦ୍ୟେ ପରା ଲୋଭ ରଖ
ହେଲେ କେମିତି ଯେ ଏଷଣା ଗଣିତ
ତର୍କାଦି ଶାସ୍ତ୍ରେ ନିପୁଣ।। 4
ପାର୍ବତୀ ଦୁଲାଳ ଆହେ ଗଜାନନ
ମାତୃ ଆଜ୍ଞା ଶିରୋଧାର୍ଯ୍ୟ
ସତ୍ୟର ପୂଜାରୀ ବଚନ ପ୍ରେୟସୀ
ମନୋବାଞ୍ଛା ପୂରା କର।


ସତ୍ୟ ପ୍ରକାଶ ସେଠୀ,
ସା - ରାଣୀପଡ଼ା, ପୋ-ତାରାଗୋ, ଜି - ଭଦ୍ରକ, ଓଡିଶା

0 Comments