Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଫେରିଆସ ଆଉଥରେ - ମିଥୁନ୍ ସାହୁ

ଦହିହାଣ୍ଡି ଭାଙ୍ଗି ଲହୁଣୀ ଚୋରେଇ
ଖାଉଥିଲ ଗୋପପୁରରେ,
ଚୋର ଚୋର ବୋଲି ହୁରି ପଡୁଥିଲା
କଳାକାହ୍ନୁ ତୁମ ନାମରେ,,।।

ତୁମ ଲୀଳା ଦେଖି ରାଗିଯାଇ ମାତା
ବାନ୍ଧିଦେଉଥିଲେ ରସିରେ,
ଚୋରି ପାଇଁ କେତେ ଶାସ୍ତି ଦଉଥିଲେ
ବେତ ଧରିକି ଯେ ହାତରେ,,।।

କେତେ କେତେ ଦୈତ୍ୟ ରାକ୍ଷସକୁ ତୁମେ
ବଦ୍ଧିଥିଲ ବାଲ୍ୟ କାଳରେ,
ଅତ୍ୟାଚାରୁ ସତେ ମୁକ୍ତ କରିଥିଲ
ସଂସାରକୁ ଦ୍ୱାପରରେ,,।।

ଗୋପିଙ୍କ ସାଥିରେ କେତେ ରାସଲୀଳା
କରୁଥିଲ ନଈ କୂଳରେ,
ଆଜି ସେ ଯମୁନା ଝୁରୁଛି ତୁମକୁ
ଫେରିଆସ ହେ ଆଉଥରେ,,।।


ମିଥୁନ୍ ସାହୁ
ମାଳ ତେନ୍ତୁଳିଆ, ପୋଲସରା, ଗଞ୍ଜାମ

Post a Comment

0 Comments