ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତମକୁ ଭୁଲି ପାରୁନି - ସିଦ୍ଧେଶ୍ଵର ତ୍ରିପାଠୀ

ତମକୁ ଭୁଲି ପାରୁନି - ସିଦ୍ଧେଶ୍ଵର ତ୍ରିପାଠୀ

ତୁମ ପ୍ରତାରଣା ଅସହ୍ୟ ହେବାରୁ
ଜଳିଲି ମୁଁ ଅହରହ
ମନରୁ ତୁମକୁ କାଢ଼ିବା ପାଇଁକି
ଖୋଜିଲି କେତେ ଉପାୟ ।

ଧରିଲି ଯେବେ ମୁଁ ତୂଳୀ
ଚିତ୍ରଟିଏ ଆଙ୍କି ଶେଷରେ ଦେଖିଲି
ଅବିକଳ ତୁମ ଭଳି ।

ଭାବିଲି ଚିତ୍ରଠୁ ଦୁରେଇ ରହିବି
ଲେଖିବି ଗୋଟେ କବିତା
କବିତା ଲେଖିମୁଁ ପଢିଲା ବେଳକୁ
ସେତ ତୁମ ସ୍ମୁତି କଥା ।

ଗୀତ ପଦେ ଦେଲି ଗାଈ
ତୁମ କଣ୍ଠ ସ୍ୱର ମନେ ପଡିଗଲା
ଆଖି ପତା ଗଲା ନଇଁ ।

ନିତ୍ୟ ଅବିରତ ଏ ଆଖିରେ ଲୁହ
ଜମାରୁ କାହିଁ ସରୁନି
ଶତ ଚେଷ୍ଟାକରି ହାରି ମୁଁ ଯାଉଛି
ତୁମକୁ ଭୁଲି ପାରୁନି ।


ସିଦ୍ଧେଶ୍ବର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

0 Comments