Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଧେତ୍ କବିତା - ରାଜେନ୍ଦ୍ର ଗିରି

ଧେତ୍ କବିତା , ତୁ ଭାରି ଚଗଲି
ଏବେ ଆସିଲୁ , ପୁଣି ଗଲୁ ଚାଲି
ଇଚ୍ଛା ହୁଏ ତତେ , ବହେ ଦେବି ଗାଳି
ଧେତ୍ କବିତା , ତୁ ଭାରି ଚଗଲି ବୋଲି ।

ସାୱାର ତଳେ ଛିଡା ହୋଇ ବର୍ଷାର ଭ୍ରମକୁ ଦେଖିଲା ବେଳେ
କେତେ ରଙ୍ଗ ରଙ୍ଗର ଧାଡି ଆସୁଥିଲା ମାଡି ଖେଳି
ଭାବି ଥିଲି କାଗଜରେ ଦେବି ବୋଳି,ସବୁ ଗଲି ଭୁଲି
ଧେତ୍ କବିତା , ତୁ ଚଗଲି ବୋଲି ।

କବି ହେବାକୁ ଇଚ୍ଛା ମୋର ନାଇଁ ବୋଲି
ମୋ ସାଥେ ଖେଳୁଛୁ ଲୁଚକାଳି
ଯା - ଯା ଆଜି ନୁହଁ ଲେଖିବି କାଲି
ଧେତ୍ କବିତା , ତୁ ଚଗଲି ବୋଲି ।

ଆଜି ଯା ଆଉ କାହା କଲମରେ ଯିବୁ ଗଳି
ତୁ ତ ମୋ ପ୍ରେୟସୀ ଲାଜକୁଳୀ
ପୁଣି ଫେରିଲେ ନେବି ତତେ ତୋଳି
ଧେତ୍ କବିତା , ତୁ ଚଗଲି ବୋଲି ।।।


ରାଜେନ୍ଦ୍ର ଗିରି
ଭୋଗରାଇ , ବାଲେଶ୍ୱର
ଶିକ୍ଷକ ଶିକ୍ଷା ମହାବିଦ୍ୟାଳୟ, ବାଲେଶ୍ୱର
ଦୂରଭାଷ-୭୮୭୩୫୭୦୯୩୮

Post a Comment

0 Comments