Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ସନେଟ୍ - ପ୍ରିୟା ତୁମେ - ଅଧ୍ୟାପକ ଶରତ କୁମାର ଦାସ


ପ୍ରିୟା ତୁମେ କେବେ ମୁଗ୍ଧ ମଳୟର ମଧୁର ମୂର୍ଚ୍ଛନା ଧାରା
କେତେବେଳେ ତୁମେ କଳକଳନଦୀ କେବେ ପାହାନ୍ତିଆ ତାରା ।
ପ୍ରିୟା ତୁମେ କେବେ ତମିସ୍ରା ବଳୟେ ଚମକ ଚପଳା ହୀରା
କେତେବେଳେତୁମେ ଜହ୍ନର ଜୋଛନା କେବେ ମାଣିକ୍ୟର ହାରା

ପ୍ରିୟା ତୁମେ କେବେ ଫଗୁଣର ଫଗୁ ରାଗର ମଧୁ ରାଗିଣୀ
କେତେବେଳେ ତୁମେ ମେଘର ମହ୍ଲାର ଚାନ୍ଦର ରୂପା ଚାନ୍ଦିନୀ ।
ପ୍ରିୟା ତୁମେ କେବେ ବରଷା ର ସ୍ବର ଭିଜା ଭିଜା ମାଦକତା
କେତେବେଳେ ତୁମେ ଘନ କାଦମ୍ବିନୀ ନେତ୍ର ଦ୍ବୟ ସ୍ବପ୍ନସିକ୍ତା ।

ପ୍ରିୟା ତୁମେ କେବେ ମ୍ଳାନ ଗୋଧୂଳିର ଅଳସୀ ଶୀତୁଆ ସଂଧ୍ୟା
କେତେବେଳେତୁମେ ଝରାଶେଫାଳୀତ କେବେତ ରଜନୀଗଂଧା।
ପ୍ରିୟା ତୁମେ କେବେ ଦୁଃଖର ବାଦାଲ ଝରଝର ବିନ୍ଦୁ ଧାରା
କେତେବେଳେ ତୁମେ ଗୋଲାପର ବାସ୍ନା ମହମହ ବାସ ଭରା ।

ପ୍ରିୟା ତୁମେ କେବେ ଦୂର ଶାଳବଣ ଅନନ୍ତ ସବୁଜ ଶୋଭା
କେତେବେଳେ ତୁମେ ମରୁରେ ଉଦ୍ୟାନ କେବେ ପ୍ରୀତିକୁଞ ଆଭା


ଶରତ କୁମାର ଦାସ,
ବଡବିଲ ମହାବିଦ୍ୟାଳୟ, ବଡବିଲ, କେନ୍ଦୁଝର -୭୫୮୦୩୫

Post a Comment

0 Comments