Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ପ୍ରବୃତ୍ତି - ଉଦୟନାଥ ଗୌଡ

ଉଦୟନାଥ ଗୌଡ
ଅମୂଲ୍ୟ ନିବାସ, ତୁଳସୀ ନଗର, ବ୍ରହ୍ମପୁର

ମୁଁ କିଏ
ଏଠି ତର୍ଜମା ଦେବାକୁ,
ତୁମ ବୟସର
ହିସାବ ନେବାକୁ,
କେତେ ଲିପ୍ ଷ୍ଟିକ
ତୁମ ଓଠଧାରେ,
ଖୋଲିବାକୁ
ରଙ୍ଗ ପସରାର
ଭାନୁମତୀ ପେଡି
ତୁମ ଇଛାର ବାହାରେ !
ଅଭାବର ନଗ୍ନ ଦୂଆରେ
ମୁଁ ଖାଲି ରାତିକ ଅତିଥି
ତୁମ ରବରକି ଚମଡା ଦେହର,
କିଣା ଅଛି କେଇଟା ଟଙ୍କାରେ !
ମୋ ପୌରୁଷ, ଯଉବନ
ବନ୍ଦୀ ତୁମ ବାହୁ ବନ୍ଧନରେ
ସାମ୍ପୋନ୍ ଓ ସୋମରସ,
ବିଦେଶୀ ଅତର ଗନ୍ଧେ
ମୁଲାୟମ ଶେଯ ପରେ
ଶୀତତାପ ଉଷ୍ମ କୋଠରୀରେ !
କାହା ବିଶ୍ବାସକୁ କଳଙ୍କରେ ଧୋଇ
ବିଷଭାଣ୍ଡେ ଅମୃତ କଳ୍ପନା
ଚୁଆ ଚନ୍ଦନର,
ଅନ୍ଧାରରେ,
ଅନ୍ଧ ବିବେକୁ ବେକାଫୁ ବନାଇ
ବୟସର
ବୋଲ ମାନିବାରେ,
ତୁମ ଜୈବିକ ଲାଳସା,
ବାସନାର ବସନ୍ତକୁ
ସମ୍ଭୋଗର
ମୋହର ଦେବାରେ !
ମୋତେ ବା କଣ ମିଳିବ
ଖୋଜିବାରେ
ତୁମ ପ୍ରତିଷ୍ଠାର
ଆଦ୍ୟ ଆଉ ପ୍ରାନ୍ତ
କହିବାରେ
ତୁମେ କେତେ ଆତୁର ବିଭୋର
ପାପ ପ୍ରଣୟରେ,
କେତେ ପାରିବାର
ପାପ ବଜାରର
ଦେହଖେଳେ, ସମ୍ଭ୍ରାନ୍ତର
ସତରଞ୍ଜି ପରେ !
ନା ତୁମେ ଦେହଜିବୀ !
ନା ରୁପଜିବୀ !
ତୁମେ ଏବେ
କାହା
ପତିପ୍ରାଣା ଅର୍ଦ୍ଧାଙ୍ଗୀନୀ
ରାତି ଊଷ୍ମତାରେ,
ଦେହ ଆଉ ମନ ଭୋକ
ମେଣ୍ଟିଗଲା ପରେ !
ସକାଳକୁ ତୁମେ ସତୀ
ମୁଁ କିନ୍ତୁ ପୁରୁଷ ବେଶ୍ୟାଟେ
ସ୍ଖଳିତ ଚରିତ୍ର ଆଉ
ନିସ୍ବ, ଲମ୍ପଟଟେ
ତୁମ ନଜରରେ,
ଅର୍ଥକାମି ମଣିଷର
ଜୁଇପଠା, ଯାତନା ମଶାଣି
ଏଇ ସମାଜରେ !

Post a Comment

0 Comments