ସଚ୍ଚୋଟ ପିଲାଟିକୁ
କେହି ଭଲ ପାଏନି
ସେ ପୁଅ ହେଉ
କି ଜ୍ୱାଇଁ ହେଉ
କାହିଁକି ନା ତା'ର ନ ଥାଏ
ପୁଳା ପୁଳା ଟଙ୍କା
ଖର୍ଚ୍ଚ କରିବାକୁ
ବିନା କାରଣରେ !
ସଚ୍ଚୋଟ ସାଙ୍ଗଟିକୁ
କେହି ନିଜର କରେନା
କାହିଁକି ନା ସେ ଦେବାକୁ
ସମର୍ଥ ହୁଏନି
ମଦ କି ମଟନ
ଏଇମିତି ଛୋଟ ଛୋଟ
କାରଣ ଅକାରଣରେ !
ସଚ୍ଚୋଟ କର୍ମଚାରୀଟିକୁ
କେହି ବି ଭଲ ପାଏନି
କାହିଁକିନା ସେ ଦେଇପାରେନି
ଖାଇବାକୁ କିମ୍ବା ପିଇବାକୁ
ତା'ର ଉପର ଅଧିନସ୍ଥ
କର୍ମଚାରୀ ମାନଙ୍କୁ
ତାଙ୍କ ମନ ମଧ୍ୟରେ
ନିଜ ପାଇଁ ଟିକେ ସ୍ଥାନ
ସଂରକ୍ଷିତ କରିବା ପାଇଁ !
ସତରେ ଏ ସମାଜରେ
ଭଲ ଲୋକ ମାନଙ୍କ ପାଇଁ
ଆଉ କଣ ସ୍ଥାନ ନାହିଁ
ସଚ୍ଚୋଟ ଲୋକ ମାନେ
କଣ ଧୀରେ ଧୀରେ
ଏଇମିତି ହଜି ଯିବେ
କେବଳ କେତେକ
ନୀଚ ଲୋକ ମାନଙ୍କର
ଛୋଟ ମାନସିକତା ପାଇଁ !
ତୁଣ୍ଡପଡ଼ା, କେଦାରପୁର
ସୋରୋ, ବାଲେଶ୍ୱର
ମୋ - ୭୯୭୮୨୫୬୩୮୬
VOL.IX, ISSUE.IX, SEPTEMBER-2025
Published By Banamallira Mahak
