ସତେ କେଡେ ସୁନ୍ଦର, ସହୀ ତୋର ଚନ୍ଦ୍ର ବଦନ,
ରୂପା ଜହ୍ନ ରୋଷଣୀରେ, ହେବ ଆମ ମିଳନ ।। (ଘୋଷା)
ମନ ହୂଏ ଆନମନା, ଆଗୋ କନକ ବରନା,
ତୋ ବିହୁନେ ସବୁ ଲାଗେ ମୋତେ ଆଜି ଛିନାଛିନା;
ଆଗୋ ମୋର ମନ ମଇନା, ଛଟ ପଟ ହୁଏ ଜୀବନ;
ସତେ କେଡ଼େ ସୁନ୍ଦର ସହି ତୋର... ।।
ତୁ ମୋର ଚନ୍ଦ୍ର ମଲ୍ଲୀ, ହୃଦୟ ବିଥିକା କଳି;
ସଜଫୁଟା ଫୁଲ ମୋର ମୁଁ ସେହି କଳା ଭ୍ରମର;
ଦେଖି ମହୁ ଶୋଷିବା ପାଇଁ, ଉଛନ୍ନ ହେଲାଣି ମୋ ମନ;
ସତେ କେଡ଼େ ସୁନ୍ଦର ସହି ତୋର... ।।
କଳା ମେଘେ ସୌଦାମିନୀ, ସମାନ ଦିଶୁ କାମିନୀ;
ମୋମନ ସରୋବର ରାଜ ହଂସୀ ଗଜ ଗମନୀ;
ପ୍ରିୟବତୀ ସଉଭାଗିନୀ, ନହୁଅରେ ବିମନା ଧନ;
ସତେ କେଡ଼େ ସୁନ୍ଦର ସହୀ ତୋର... ।।
ତୋହ ବିନା ଏ ପରାଣ, ସତେ ସିନା ଅକାରଣ;
ମୁଁ କାୟାତୁ ମୋର ଛାୟା ତୁ ମୋର ଜୀବ ଜୀବନ;
ସାତ ଜନମର ବନ୍ଧନ, (ତୋ ପାଇଁ) ସମର୍ପିତ ମୋର ଜୀବନ
ସତେ କେଡ଼େ ସୁନ୍ଦର ସହୀ ତୋର ।।
ମଙ୍ଗଳାଯୋଡି, ଖୋର୍ଦ୍ଧା
VOL.IX, ISSUE.V, MAY-2025
Published By Banamallira Mahak
ପ୍ରକାଶିତ ଲେଖାଟି ଯଦି ପଢି ସାରିଛନ୍ତି, ଆପଣଙ୍କ ପ୍ରତିକ୍ରିୟା ଏଠାରେ ନିଶ୍ଚୟ ରଖନ୍ତୁ ।