କଳିତ ଲଳିତ ଛନ୍ଦ
ତୁମ ଆଗମନେ ବିଶ୍ଵ ବୁକୁରେ
ଝରେ ମଧୁ ମକରନ୍ଦ
ତୁମେ ଉଆଁସ ରାତିର ଜହ୍ନ
ନିଖିଳ ଜଗତ ତପ୍ତ ଜୀବନେ
ତୁମେ ଶୀତଳ ଚନ୍ଦନ ।
ଦେହରେ ତୁମର କଳାମେଘି ଶାଢ଼ୀ
ଚାଲୁଥାଅ କେଡେ ରଙ୍ଗେ
ବିଜୁଳି କନ୍ୟା ଆଲୋକ ଦେଖାଏ
ନାଚୁଥାଅ କେତେ ଢଙ୍ଗେ
ଆଗୋ ଲୀଳାମୟୀ କନ୍ୟା !
ତୁମ ଆଗମନେ ନିରାଶ ବୁକୁରେ
ଖେଳେ ମହାନନ୍ଦ ବନ୍ୟା ।
ଚାରୁ କମନୀୟ ଛମ୍ ଛମ୍ ତାନେ
ନୃତ୍ୟ ତୁମର ସୁନ୍ଦର
ବଉଦ ଓଢଣା ତଳୁ ଗୋ ରୂପସୀ
ଗାଅ ହୃଦଜିଣା ମନ୍ତର
ପବନ ବଜାଏ ବଂଶୀ
ମେଘ ଡମ୍ବରୁ ଶବ୍ଦ ପାଦରୁ
ଆଳସ୍ୟକୁ ଦିଏ ଧ୍ଵଂସୀ ।
ରଜନୀ ରାଣୀର ଗାଢ଼ ଅନ୍ଧାରେ
ବିରହୀ ବିଧୁର ଭେକ
ପଞ୍ଚମ ରାଗେ ଆଳାପନା କରେ
ସାଥି ସହ ହେବ ଏକ
ଝିଲ୍ଲୀ ମିଳାଏ ସୁର
କୃଷ୍ଣ ରଜନୀ ପ୍ରେମ-ପୂରବୀରେ
ମୁଖରିତ ଗ୍ରାମ ପୁର ।
ଦୀର୍ଘ ପ୍ରତୀକ୍ଷା ପରେ ପୂର୍ଣ୍ଣତା
ପାଏ ଚାତକର ଆଶା
ତୁମ ରୂପଶୋଭା ଦେଖି ବନଭୂମେ
ମୟୁର ପଢଇ ଭାଷା
ଦେଖାଇ ନୃତ୍ୟ ଛଇ,
ଶସ୍ୟକ୍ଷେତରୁ କୃଷକ କଣ୍ଠୁ
ଗୀତ ଲହର ଶୁଭଇ ।
ବନଭୂମେ ନୀଳ ସବୁଜିମା ଭରେ
ଭରିଯାଏ ଜଳାଶୟ
ସାଧବ ବୋହୂଟି ଥିରି ଥିରି ଚାଲି
ଦିଶେ ଭାରି କମନୀୟ
ମୁଗ୍ଧ ମଧୁର ଧରା
ବିପୁଳ ପୁଲକ ଖେଳାଇ ଦିଅ ଗୋ
ତୁମ ଋଣ ଅପାଶୋରା,
ବର୍ଷା ଗୋ !
ତୁମେ ଧରଣୀ କନ୍ୟା ପରା !
ତାପସ କୁଟୀର, ବଇଣ୍ଡା, ଅନୁଗୋଳ
ଦୂରଭାଷ - ୯୪୩୮୪୮୧୧୩୬
ବର୍ଷା ଗୋ, ତୁମେ କୋଟିଏ ପ୍ରାଣର
ReplyDeleteକଳିତ ଲଳିତ ଛନ୍ଦ
ତୁମ ଆଗମନେ ବିଶ୍ଵ ବୁକୁରେ
ଝରେ ମଧୁ ମକରନ୍ଦ
ତୁମେ ଉଆଁସ ରାତିର ଜହ୍ନ
ନିଖିଳ ଜଗତ ତପ୍ତ ଜୀବନେ
ତୁମେ ଶୀତଳ ଚନ୍ଦନ ।
ବର୍ଷା କୁ ନେଇ ଆପଣଙ୍କ ଭାବ ଓ ଶଦ୍ଦ ସଂଯୋଜନା କବିତାଟିକୁ ଖୁବ ସୁନ୍ଦର କରି ଗଢି ତୋଳିଛି ।