କାଆଗେ କହିବି ଦୁଃଖ ଆଉ
ମୁଁ ତ ଛୋଟ ଲୋକ ଛୋଟ ଦୁନିଆରେ
ତୁମେ ବଡ଼ ଦିଅଁ ଏଇ ଜଗତରେ
ସ୍ୱାର୍ଥପର ଏଇ ସଂସାର ମିଛ
ବାକି ସବୁ ମୋହ ତୁମେ ଏକା ସତ
ତୁମରି ବିକଳ୍ପ ମିଳେ କାହୁଁ
ମହାବାହୁ
କାଆଗେ କହିବି ଦୁଃଖ ଆଉ ।
ରକତ ଠୁ ବନ୍ଧୁ ଯେତେବା ସମ୍ପର୍କ
ସବୁଠି ଲୁଚିଛି ସ୍ୱାର୍ଥ
ସେ ସ୍ୱାର୍ଥ ଟିକକ ସରିଗଲା ପରେ
ତ୍ୟାଗ ସମର୍ପଣ ବ୍ୟର୍ଥ
ଅଦେଖା ଦହନ ସେ ଅକୁହା କଥା
ଜୀବନକୁ ସାଧେ ଦାଉ
ମହାବାହୁ
କାଆଗେ କହିବି ଦୁଃଖ ଆଉ ।
ଛାଈ ଖୋଜି ଏଠି ଛଳନା ପାଇଛି
ଦୀପରୁ ପାଇଛି ଦୋଷ
ସପନ ଗୁଡାକ ସଜାଡୁ ସଜାଡୁ
ଶେଷ ମେଞ୍ଚେ ଅବଶୋଷ
ତୁମ ନିର୍ଦ୍ଦେଶରେ ଏ ଜୀବନ ରଥ
ଅଦିନେ ବାହୁଡ଼ି ଯାଉ
ମହାବାହୁ
କାଆଗେ କହିବି ଦୁଃଖ ଆଉ ।
କୁଣ୍ଡିଲୋ, କେରଙ୍ଗ, ଖୋରଧା
ଦୂରଭାଷ - ୭୦୦୮୩୧୫୦୪୦
