ମରୁଛି ତୋ ପ୍ରେମେ ନିତି,
ବାଲି ଗରଡ଼ାର ଉଷୁମ ତାତିରେ
ଧୂଳିକଣା ଭେଦେ ଛାତି ॥
କଣ୍ଟାର ଆଘାତେ ପାଦର ଯନ୍ତ୍ରଣା
ଲହୁର ଅଳତା ଗାର,
ଶୁଖିଗଲା ତଣ୍ଟି ତୋ'ପ୍ରେମ ତୃଷ୍ଣାରେ
ମାରିଥିଲୁ ପ୍ରୀତି ତୀର ॥
ଶ୍ରାବଣ ମେଘରେ ଭିଜେଇଲୁ ଥରେ
ଢ଼ାଙ୍କି କାଳିମା ଅନ୍ଧାର,
ଫଗୁଣର ଫଗୁ-ହେଲା ରକ୍ତ ଛିଟା
ଅବତରୀ ପିଶାଚର ॥
ପବିତ୍ର ବନ୍ଧନ ପ୍ରେମର ସମ୍ପର୍କ
ହୃଦୟର ମିଳା ମିଶା,
ଆଘାତ ଦେଇ ତୁ ଭାଙ୍ଗିଲୁ ବନ୍ଧନ
ମେଣ୍ଟିଲା କି ତୋର ତୃଷା ॥
ବଦଳିଲା ଭାବ ଭାବନା ସାଥିରେ
ଛଳନା ପ୍ରୀତିରେ ତୋର,
ସାଜିଲୁ ଯନ୍ତ୍ରଣା ବେଦନାଟେ ହୋଇ
ଭାଙ୍ଗିଲୁ ବିଶ୍ୱାସ ମୋର ॥
ଚାଉଳଡ଼ିଆଁ, ଲାଠୋର, ବଲାଙ୍ଗୀର
