ତୁମ ସେ ମଧୁର ସ୍ୱର
ଏ ପାଗଳ ମନ ଝୁରିଲା ତୁମକୁ
ଭାବିନେଲା ଆପଣାର ।
ଦଇବ ଯୋଗରୁ ତୁମେ ହେଲ ଦେଖା
ଶୁଣାଇଲ ପ୍ରୀତି ଗୀତ
ସାରା ଜୀବନକୁ ପାଖେ ରହିବାକୁ
ମାଗିଥିଲି ତୁମ ହାତ ।
କଥା ଦେଇଥିଲ ଏଇ ମୋ ହାତରୁ
ଭରିବ ସିନ୍ଥି ସିନ୍ଦୁର
ଫୁଲସଞ୍ଜ ବେଳେ ଶୁଣିଥିଲି ଦିନେ
ତୁମ ସେ ମଧୁର ସ୍ୱର ।
ତୁମ ସେ ମନକୁ ଛଳନାରେ ଛନ୍ଦି
ଉପହାସେ ଦେଲ ଭରି
ଏ ନୀରିହ ଆଖି ସହି ପାରିଲାନି
ଲୁହଧାର ଗଲା ଝରି ।
ସୂର ତାଳ ଲୟ କା ପାଇଁ ଖଞ୍ଜିଲ
ମୋତେ କରି ସାତପର
ଫୁଲସଞ୍ଜ ବେଳେ ଶୁଣିଥିଲି ଦିନେ
ତୁମ ସେ ମଧୁର ସ୍ୱର ।
