ଆଗଠାରୁ ବେଶୀ ବୁଦ୍ଧିଆ ହେବ ।
କଲେ ନିତି ଯୋଗ ଧ୍ୟାନ...
ଶରୀର ଓ ମନ ସୁସ୍ଥ ହେବାସହ
ବଢ଼ିବ ଅମାପ ଜ୍ଞାନ ।
ଥୁକୁଲୁ ଥାକୁଲୁ ଚେହେରା ତୋର,
ଧରିନେଲେ କୋଳ ପୂରଇ ମୋର ।
ଗଣପତି ଗଜାନନ...
ଆଉ କା' ନଜର ପଡ଼ିଯିବ ଭାଳି
ଅଥୟ ହୁଅଇ ମନ ।
ଏ ଶିବଲିଙ୍ଗକୁ ପୂଜିଲେ ନିତି,
କୁଶଳରେ ଦିନ ଯିବ ତୋ ବିତି ।
ଚଗଲାମି ଯିବ କମି...
ବିଦ୍ୟା ଆହରଣ-ବିତରଣ କରି
ବୋଲାଇବୁ ମହାଜ୍ଞାନୀ ।
କେତେ ଯୋଗୀ ୠଷି ଶିବଙ୍କୁ ପୂଜି,
ମହାନନ୍ଦେ ଛନ୍ତି ସଂସାରେ ଆଜି ।
ଅରଜି ଅଛନ୍ତି ଯଶ...
ଲୋଭ, ମୋହ, ମାୟା ସଂସାର ଯାତନା
ନ ମାଡ଼ଇ ତାଙ୍କ ପାଶ ।
ବହୁ ବାଧା ବିଘ୍ନ ସହିରେ ବାପ,
ଶିବଙ୍କୁ ପାଇଛି କରି ମୁଁ ତପ ।
ଯୋଗୀଙ୍କର ସିଏ ଯୋଗୀ...
ସକଳ ଐଶ୍ୱର୍ଯ୍ୟ ତ୍ୟାଗ କରିଛନ୍ତି
ଜଗତ କଲ୍ୟାଣ ଲାଗି ।
ମାମୁରିଆ, ଛେଣ୍ଡିପଦା, ଅନୁଗୋଳ