ତୁମର ସେ ଗାଁ ରାସ୍ତାଦେଇ
ନାଲି ଶାଢ଼ୀ ନାଲି ଚୁଡ଼ି
ସିଂଥି ଧାରେ ଧାପେ ମାତ୍ର
ସିନ୍ଦୂର ଲଗେଇ
ଗୋରା ଅଙ୍ଗ ସୁନା ରଙ୍ଗ
ସବୁ ଚିକି ମିକି
ମନ ହଜେ ତୁମ ପାଖେ
ତୁମ ହସ ଦେଖି ।
କଙ୍କିରିଟି ରାସ୍ତା ସାଥେ
ତୁମ ଦୁଇ ପାଦ
ଯେତେଯେତେ ପାଦ ବଢେ
ମୋତେ ଅପବାଦ ।
ତୁମେ କାହା କୁଳବଧୁ
କାହାର ଘରଣୀ
ତଥାପି ଏ ମନ ଖୋଜେ
ସବୁ ଜାଣି ଶୁଣି ।
ତୁମ ଚାହାଣୀ ଇଶାରା
ଝଡ଼ ସୃଷ୍ଟି କରେ
ଆସି ଥରେ ଧରା ଦିଅ
ବାହୁ ବନ୍ଧନରେ ।
ହେଉପଛେ ମହାପାପ
ଏ କାହାଣୀ ଶେଷ
ଅଙ୍ଗ ଫାସେ ବାନ୍ଧିବାକୁ
ଥରେ ଆସ ଆସ ।