ଗୋଟିଏ ମାଆର କୋଟି ସନ୍ତାନ,
ଭାରତ ଜନନୀ ଗର୍ବ ଗରିବିଣୀ
ମାତୃତ୍ଵ ଆଜି ତା' ହୋଇଛି ଧନ୍ୟ ।
ହିନ୍ଦୁ, ମୁସଲିମ୍, ଶିଖ୍ ଓ ଇଶାଇ,
ବୈ।ଦ୍ଧ, ଜୈନ ଫୁଲର ହାର,
ଗଳେ ଲମ୍ବାଇଛି ଶୋଭା ବଢ଼ାଇଛି
ସଂସାରେ ଏ ପରା ମୁଲକ ସାର ।
ସଭିଙ୍କୁ ଦେଇଛି ସମ ଅଧିକାର
ନାହିଁ ତା'ପାଖେ କେ ବଡ଼ କି ସାନ,
ସାର୍ବଭୌମତ୍ୱର ମନ୍ତ୍ରରେ ଦୀକ୍ଷିତ
ସବୁ ଜାତି, ଧର୍ମ, ବର୍ଣ୍ଣ ସମାନ ।
ଜାତୀୟତା ନୁହେଁ ବଡ଼ ଆମ ପାଇଁ
ବଡ଼ ନୁହେଁ ଧନ, ଉଚ୍ଚ ଆସନ,
ହାତେ ରଖି ହାତ କରିବା ସୁରକ୍ଷା
ଦେଶ ଜନନୀର ମାନ ସମ୍ମାନ ।
ଏକରୁ ଅନେକ ଅନେକରୁ ଏକ
ଗୋଟିଏ ହେଉରେ ଆମରି ମନ,
ଗୋଟିଏ ରହିବ ଆମ ପରିଚୟ
ଭାରତ ମାଆର ଆମେ ସନ୍ତାନ ।
ଚିକିଟିପେଣ୍ଠ, ଗଞ୍ଜାମ