OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ଉତ୍କଳ ଦିବସ - ଅନାମ ଚରଣ ସାହୁ

ଉତ୍କଳ ଦିବସ - ଅନାମ ଚରଣ ସାହୁ

ବିଜୟ ଉନ୍ମତ୍ତ ଉତ୍କଳ ସନ୍ତାନ
କୋଟି ପ୍ରାଣ ସୁଖେ ଭରା
ଡେରହେ ଶ୍ରବଣ ଶୁଭେ କାହା ସ୍ବନ
ଆନନ୍ଦ ମୁଖର ଧରା ।
ନିର୍ଝରିଣୀ ଗାଏ କୁଳୁକୁଳୁ ନାଦେ
ପାରାବାରେ ଉର୍ମିମାଳ
ଶୁଭ ଶଙ୍ଖ ଧ୍ବନି କରେ ଆବାହନୀ
ପ୍ରେମର ପ୍ରଦୀପ ଜାଳ ।
ପୁରୂବ ପୁରୁଷ ଭରିଲେ ହରଷ
ସଭିଙ୍କୁ ଏକତ୍ର କରି
କୋଟିଏ ପରାଣ କଲେ ଏକସମ
ଭାଷାର ଅସ୍ତ୍ରକୁ ଧରି ।
ଏପ୍ରିଲ ପହିଲା ଆନନ୍ଦେ ଗାଇଲା
ଉତ୍କଳର ଜୟ ଘୋଷ
ତଥାପି କାହିଁକି ହୃଦୟ ବୁଝେନି
ରହିଗଲା ଅବସୋସ ।
କାଇଁଚ ମାଳିର ଅନେକ କାଇଁଚ
ଅଧାପଥେ ଗଲେ ଝରି
ହୃଦୟରେ କୋହ ନୟନରେ ଲୁହ
ଅଦିନରେ ଗଲା ଭରି ।
ତଥାପି ଓଡ଼ିଆ ଯାଇନାହିଁ ହାରି
ଗରବେ ଟେକିଛି ମଥା
ସାରା ରାଇଜରେ ବନ୍ଦିତ ଉତ୍କଳ
ଇତିହାସ ଗାଏ ଗାଥା ।
-------------------------
ଅନାମ ଚରଣ ସାହୁ
ବିଭୂତିପୁର, କାକଟପୁର, ପୁରୀ
ମୋ-୯୯୩୭୨୧୦୨୬୦

0 Comments