"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ତୋ ବିନା - ସନ୍ତୋଷ ପଟ୍ଟନାୟକ

ତୋ ବିନା - ସନ୍ତୋଷ ପଟ୍ଟନାୟକ

ଭାସି ଆସୁଅଛି ବସନ୍ତ ମଳୟ 
     ଶୀତଳ ଛୁଆଁକୁ ଧରି 
ତୋ'ବିନା ସଜନୀ ବିରହ ବେଦନା 
    ମନକୁ ଦେଇଛି ମାରି....

ସ୍ମୃତିକୁ ସାଇତି ଝୁରୁଛି ନିଇତି 
     ଜୀଇଁଛି ଭାଗ୍ୟ ଆଦରି 
ଲୁହ ଏବେ ମୋର ଅତି ଆପଣାର 
    ଆପଣା ଲୋକେ ବଇରି ....

ଆଶା ,ଇଛା ,ସ୍ବପ୍ନ ମରି ମରି ଗଲା
      ଜୀବନ ହେଲା କାହାଣୀ 
ବୟଷ ବିଳାସ ବିଳପୁଚି ଏବେ 
      ତୋହରି ରୂପକୁ ଗୁଣି .....

ଜୀବନଟା ଆଜି ଦେଇଛି ତ ଠକି 
     ପାରୁନି ଲୁହକୁ ରୋକି 
ହସିବାଟା ମନା କାନ୍ଦି ବି ହଉନି 
     ମରିବାଟା ଖାଲି ବାକି....

ଜୀବନ ଆକାଶେ ସନ୍ଧ୍ୟା ଉଇଁଅଛି
      ନିସଙ୍ଗ ବାରତା ନେଇ 
ବନ୍ଧୁ ପରିଜନ କଟୁକ୍ତିରେ ଆଜି 
          ଭିଜୁଛି ନୟନ ଦୁଇ.....

ସନ୍ତୋଷ ପଟ୍ଟନାୟକ ,ଗଞ୍ଜାମ 

0 Comments