OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ସ୍ମୃତି ଚିହ୍ନ - ନିବେଦିତା ମହାପାତ୍ର

ସ୍ମୃତି ଚିହ୍ନ - ନିବେଦିତା ମହାପାତ୍ର

ମନେ ପଡିଗଲା ଆଜି ପିଲାଦିନ
ବିତିଥିଲା ଯାହା ହସ ଖୁସିରେ
ତାଜା ହେଇଗଲା ଘଟଣା ସବୁ 
ସାଇତି ଥିଲି ଯାହାକୁ ସ୍ମୃତିରେ। ୧
କେତେ ରାଗ ରୁଷା ଅଭିମାନ 
ପୁଣି କରୁଥିଲେ କେତେ ଗମାତ
ଆନନ୍ଦ ବିଷାଦ ଯାହା ଘଟୁଥିଲା
ବାଣ୍ଟୁଥିଲେ ସବୁ ନରଖି ଦ୍ବନ୍ଦ୍ବ। ୨
ସକାଳ ସଂଜରେ ସଜେଇ ହବାରେ 
ବିତୁଥିଲା ତୋର ବହୁ ସମୟ
ପରିହାସ ତତେ କରୁଥିଲୁ  ଆମେ 
ତଥାପି କରିନୁ କେବେ ରୋଷ। ୩
ମନରେ ନଥିଲା ଛନ୍ଦ କି କପଟ
ନଥିଲା ତ ପର ଆପଣାର ଭାବ
ଯାନିଯାତରା ଅବା ହେଉ ମେଳଣ
କରୁଥିଲେ ସବୁ ମିଳିମିଶି ପାଳନ । ୪
ବାଲିଯାତ୍ରା ହଉ ଅବା ସ୍ବରାଜଦ୍ବିତୀୟା
ଗାଁ ସାଗରସ୍ନାନ ଲାଗୁଥିଲା ବଢିଆ
ପରବ ଦିନରେ ହେଉଥିଲେ ଏକାଠି
ଥଟ୍ଟାମଜା କରୁଥିଲେ ଆମେରେ ମିଶି। ୫
ପରିବର୍ତ୍ତନ ହେଇଗଲା ସମୟ ଧାରା
ଅଚିହ୍ନା ହେଲା ଚିହ୍ନା ଚେହେରା
ଛିଡିଗଲା ଆମ ମମତାର ବନ୍ଧନ
ସଂପର୍କ ରଙ୍ଗ ପଡିଗଲା ମଳିନ। ୬
ଫେସ୍-ବୁକ ତତେ ଦେଲା ସହାୟତା
ଖୋଜି ପାଇଗଲୁ ଆମରି ବାରତା
ଯୋଡିଲୁ ପୁଣି ସଂପର୍କର ଡୋର
ମନରେ ଭରିଲୁ ଆନନ୍ଦର ଜୁଆର। ୭
ଉଣେଇଶ ବର୍ଷର ଯେତେ ଘଟଣା
ସ୍ମୃତି ଫରୁଆରେ ରଖିଥିଲୁ ସାଇତି
ତୋପାଇଁ ଖୋଲିଲା ଅକୁହା କଥା
ଶାନ୍ତ ହୋଇଲା ହୃଦୟର ବ୍ୟଥା। ୮
ପଥ ହୁଡିଥିଲା ପୁଅ ବାହୁଡିଛି 
ସବୁ ସଂପର୍କକୁ ଆଜି ସାଉଁଟୁଛି
ଭୁଲି ଅତୀତର ମାନ ଅଭିମାନ
କରିବାକୁ ତାର ଭୁଲ୍ ର ସମାଧାନ। ୯
ବଦଳାଇ ଦେଲୁ ତୁହି ସବୁରି ମନ
ଭୁଲି ହେବନାହିଁ ତୋର ପ୍ରତିଦାନ
ଭରିଯାଉ ଜୀବନରେ ତୋର ଖୁସି
ପଦ୍ମପାଦ ତଳେ କରୁଅଛି ମିନତି। ୧୦

ନିବେଦିତା ମହାପାତ୍ର 
ମୁକୁନ୍ଦ ମିଶ୍ର ନଗର,ପୁରୀ

0 Comments