ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

କାହିଁକି କରିବି ଛ'ମାଣରେ ଆଶା - ତପନ ଦୀକ୍ଷିତ (ବେଳାଭୂମି)

କାହିଁକି କରିବି ଛ'ମାଣରେ ଆଶା - ତପନ ଦୀକ୍ଷିତ (ବେଳାଭୂମି)



ମୁଠେ ପଖାଳର ପେଟ ଚାଖଣ୍ଡଏ 
ତାପାଇଁ କିଅବା ଚିନ୍ତା
ଛପନ ପଉଟି ଲୋଡ଼ିବି ବା କାହିଁ
ହେ ମୋର ବିଶ୍ୱର ନିୟନ୍ତା,
ତିନିହାତ ଆଉ ଚାଖଣ୍ଡେ ଭୂଇଁ ଏ
ଶରୀର ଲୋଟିବା ପାଇଁ
କାହିଁକି କରିବି ଛ'ମାଣରେ ଆଶା
ଛପନ ଭୋଗୀ ହେ ମୁହିଁ ,
ଯେଉଁଠି ହେଲେବି ଜଳିଯିବ ଏଇ
ପାର୍ଥିବ ଶରୀର ମୋର
କାହିଁକି ଈଛିବି ଜଳିବାକୁ ତୁମ
ପୁଣ୍ୟତୋୟା ସ୍ଵର୍ଗଦ୍ୱାର ?
ଏତିକି ସୁଦୟା ଜୀବ ଯିବା ବେଳେ
ବଞ୍ଚିତ କରିବେ ନାହିଁ
ତୁଣ୍ଡେ ଥିବ ନାମ ମୁଣ୍ଡେ ମୋ ତୁଳସୀ
ଏହି ଅଳି ଭାବଗ୍ରାହୀ ।।
ତପନ ଦୀକ୍ଷିତ(ବେଳାଭୂମି)
ନାଶିକେଶ୍ୱର, କାକଟପୁର, ପୁରୀ

Writer's Details: ତପନ ଦୀକ୍ଷିତ (ବେଳାଭୂମି), ନାଶିକେଶ୍ୱର, କାକଟପୁର, ପୁରୀ
Content Category:
Submission Date: Apr 17, 2019