"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ଜୀବନ ସଂଗୀତ - ପ୍ରଫୁଲ୍ଲ ଚନ୍ଦ୍ର ମିଶ୍ର

ଜୀବନ ସଂଗୀତ - ପ୍ରଫୁଲ୍ଲ ଚନ୍ଦ୍ର ମିଶ୍ର

ମୁଁ ,କାଲି ଯଦି ମରିଯାଏ
ଭୁଲିଯିବ ନାହିଁ ବନ୍ଧୁ ପରିଜନ
ମୋର ଅଲୋଡା ଜୀବନ ଇୟେ
ମୁଁ ,କାଲି ଯଦି ମରିଯାଏ   ।।
ଦୁଇଟୋପା ଲୁହ ଢାଳିବା ଆଗରୁ
ମୋ ଛବି ଚିତ୍ର ପ୍ରତିମା
ଦେଖିଲେ ଅଲୋଡା ମଣିଷ ଟେ ବୋଲି
ଦୂରେଇ ଦେବନି ଜମା,
ନଶ୍ଵର ଶରୀର ଜନମିଲେ ମୃତ୍ୟୁ
ନିଶ୍ଚୟ ତ ହୋଇଥାଏ
ମୁଁ ,କାଲି ଯଦି ମରିଯାଏ  ।।
ଜୁଇ ରେ ଜଳିବ ଏ ମାଟି ଦେହଟା
ଦୂରେଇ ଯିବରେ ଆତ୍ମା
କରମ ପ୍ରକାରେ ଫଳ ଭୋଗ ହେବ
ଇଚ୍ଛାମୟ ବ୍ରହ୍ମବେତା,
ବିଚାର କି ହେବ ନର୍କ କି ସରଗ
କେମିତି କହିବ କିଏ
ମୁଁ ,କାଲି ଯଦି ମରିଯାଏ  ।।
ତୁମ ସ୍ନେହ,ପ୍ରେମ,ଶରଧା,ଆଦର,
ସବୁକୁ ପାଥେୟ କରି
ଭବମଣ୍ଡଳରୁ ମାଟିଘଟ ଛାଡି
ଶୁନାଶୁଆ ଯିବ ଉଡ଼ି,
କାଳର କରାଳ ସ୍ରୋତ ମହାବଳ
କାହାକୁ ଛାଡି ନି ଇୟେ
ମୁଁ ,କାଲି ଯଦି ମରିଯାଏ  ।।
ଅଞ୍ଜଳିଏ ଜଳ ପ୍ରବାହ ସଲିଳେ
ମୋ ନାମରେ ଟେକିଦେବ
ଦଗ୍ଧିଭୁତ ମାଟି ଶରୀର ଶାନ୍ତିରେ
ମାଟିରେ ତ ମିଶିଯିବ,
ପାସୋରିବ ନାହିଁ ଚାହିଁରହିଥିବି
ଜୀବନର ଆର ପାରେ
ମୁଁ ,କାଲି ଯଦି ମରିଯାଏ  ।।
ଏଇତ ଜୀବନ ଆଜି ଅଛି କାଲି
ଥିବ କି ନଥିବ ବନ୍ଧୁ
ମିଛ ମାୟା ଭରା ଜଟିଳ ଅବୋଧ
ଅଟଇ ଏ ଭବ ସିନ୍ଧୁ,
ପ୍ରଫୁଲ୍ଲ ଚିତରେ ପ୍ରଫୁଲ୍ଲ ଗୀତ ରେ
ମରଣ ର ଗୀତ ଗାଏ 
ମୁଁ ,କାଲି ଯଦି ମରିଯାଏ  ।।

0 Comments