ସନ୍ଦେହ - ରବିନ୍ ଖଣ୍ଡାୟତରାୟ

ସନ୍ଦେହ - ରବିନ୍ ଖଣ୍ଡାୟତରାୟ


ରେ ମଣିଷ !
ସନ୍ଦେହ ଅଟଇ ହଳାହଳ ବିଷ ।
ଜୀବନରେ ଯେବେ ଛାଡ଼ି ନ ପାରିଲୁ,
ମରଣ ଯାଏରେ ଲଭିବୁ କ୍ଳେଶ ॥୦॥
ରେ ମଣିଷ !
ସନ୍ଦେହ ଅଟଇ ହଳାହଳ ବିଷ...
ବୁନ୍ଦାଏ ବିଷରେ ଗୋଟିଏ ମରଣ,
ଟିକିଏ ସନ୍ଦେହ ମାରେ କୋଟି ମନ ।
ତା’ଭିତରେ ଥାଇ ନିଜେ ମରୁଥାଇ,
ଗାଳିବା ଆଗରୁ ଅନ୍ୟକୁ ବିଷ ॥୧॥
ରେ ମଣିଷ !
ସନ୍ଦେହ ଅଟଇ ହଳାହଳ ବିଷ....
ଶବ ସିନା ଜଳେ ଜଳନ୍ତା ନିଆଁରେ,
ଜୀବ କୁହୁଳଇ ସନ୍ଦେହ ଧୁଆଁରେ ।
ଜଳିପାରେ ନାହିଁ ମରି ପାରେ ନାହିଁ,
ଦୁର୍ଲଭ ଜନମ ଦୁଃଖରେ ଶେଷ ॥୨॥
ରେ ମଣିଷ !
ସନ୍ଦେହ ଅଟଇ ହଳାହଳ ବିଷ...

ରବିନ୍ ଖଣ୍ଡାୟତରାୟ
ପୁରୁଣାଗଡ଼, ଜଗତସିଂହପୁର
ମୋ.-୯୭୭୬୬୯୨୨୦୭

0 Comments