OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ଅକ୍ଷର ଶିଖେଇ ଦେବୁ - ବି. ନିରୁପମା

ଅକ୍ଷର ଶିଖେଇ ଦେବୁ - ବି. ନିରୁପମା


ଦୁନିଆ ଯାକର ଖବର ଏଥିରେ
ଛପା ହେଇଚି ଲୋ ମାଆ ,
ଯୋଉ ଠାରେ ଯେଉଁ ଘଟଣା ଘଟିଛି
ଲେଖା ଯାଇଅଛି ତାହା ।

ଆମ ସରକାର କିସ କହିଛନ୍ତି
ବିଦେଶକୁ ଏବେ ଯାଇ ,
କେଉଁ ସବୁ କାମ କରୁଛନ୍ତି ଦେଶେ
ଲୋକଙ୍କ କଲ୍ୟାଣ ପାଇଁ ।

କେଉଁଠାରେ ଖେଳ କେଉଁଠାରେ ଗୋଳ
ଏଇଥିରେ ବାହାରିଛି ,
କୋଉଠି କି ସଭା କାହା ଝିଅ ବିଭା
ଛାପି ହୋଇ ଆସିଅଛି ।

ରହ ଟିକେ ତୋତେ ବୁଝେଇ କହୁଛି
ବାପା ବି ଶୁଣନ୍ତୁ ବସି ,
ପାଠ ଦି'ଅକ୍ଷର ପଢ଼ିଥିଲି ବୋଲି
ଲାଗୁଅଛି ଭାରି ଖୁସି ।

ଜୀବନ ସାଥୀ ମୋ କରି ଆଣିଅଛୁ
ମନଲାଖି ଗୋଟେ ବୋହୂ ,
ସିଏ ବି ବୋଲୁଛି ଗୀତ ,ଭାଗବତ
ଯେବେ ତୁ ଖୁସିରେ କହୁ ।

ତୁମେ ଦି'ଅକ୍ଷର ପଢ଼ିଥା'ନ୍ତ ଯଦି
ପଢ଼ିକି ଜାଣନ୍ତ ସବୁ ,
ରାଜି ହେବ ଯଦି ଆମେ ଦୁହେଁ ମିଶି
ଅକ୍ଷର ଶିଖେଇ ଦେବୁ ।

ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।

0 Comments