ସଂକଳ୍ପ - ସଲିଳ କୁମାର ସ୍ଵାଇଁ

ସଂକଳ୍ପ - ସଲିଳ କୁମାର ସ୍ଵାଇଁ


ଟୋଣ୍ଟି ଏଇଟିନି  ଫେଆର ଉଏଲ
   ଚୁଚା ତିରିଶିରେ  ଦେଲା
ରବିବାରଟାରେ    ସାଂଗସହ ମିଶି
   ମସ୍ତ ଭୋଜି କରିଥେଲା
   ମଦ  ମାଉଁସ   ଖାଇଲା
ବାକାଡି ଲେମନ ଅଷ୍ଟ୍ରେଲିଆ ବାର୍ଡ
   ବିଦାୟୀ ମେନୁରେ ଥିଲା ।
ସୋଁ'ବାରେପଡିଲା ଵର୍ଷ ଶେଷଦିନ
   ଆଇଁଷ  ଖାଇଲା  ନାଇଁ
ଶିବଙ୍କ ବାରରେ ଆଇଁଷ ଖାଇଲେ
   ନର୍କରେ ବି  ଠାବ ନାଇଁ
   ପିଇଲେ ତ ଦୋଷ ନାଇଁ
ଫଳରୁ ତିଆରି    ଫରେନ ଲିକର
   ସଂଜବେଳେ ଦେଲାପିଇ ।
ଓଡିଆ ମାନଙ୍କ     ନୂଆ ବରଷଟା
  ପଡେକେବେ ଜାଣିନାହିଁ
ହିନ୍ଦୁ ନବବର୍ଷ    ଜୀବନ କାଳରେ
   କେବେ ମଧ୍ୟ ପାଳିନାହିଁ
   ଥାଟିଫାଷ୍ଟ କରେ ବାଇ
ଫାଷ୍ଟ ଜାନୁଆରୀ ହେତୁ ପାଇବାଠୁ
   କରେ ସେଲିବ୍ରେଟ ସେଇ ।
ଏଭ୍ରି ନ୍ଯୁୟରରେ କରେ ସଂକଳପ
    ଛାଡିବାକୁ     ପାନବିଡି
ଆଉକେବେ ମଦ ପିଇବନି ବୋଲି
   କହେ ଛୁଇଁ   ସ୍ତିରୀ ବଡି
   ପାରେନାହିଁ  କିନ୍ତୁ  ଛାଡି
ଅଳପ ଦିନରେ ସଙ୍ଗଦୋଷେ ପଡି
   ପଥ ଯାଏ ପୁଣି ହୁଡି । 
ରିଜୋଲୁସନ'ଟା    ବଦଳି ଯାଇଛି
   ଏଇ  ନୂଆ   ବରଷରେ
ମଦ ପିଇବାଟା     ନିହାତି ଦର୍କାର
    ବୁଝେଇ ଦେଇଚି ଘରେ
    ମଦ ପିଇ ପଛେ ମରେ
ଏକ୍ସାଇଜ ଡ୍ଯୁଟି କମିଲେ ରାଜ୍ୟର
    ଭାସିଯିବ ଦରିଆରେ ।

ସଲିଳ କୁମାର ସ୍ଵାଇଁ, ଶିକ୍ଷକ
ସୁନ୍ଦରପୁର ପ୍ର ଉ ପ୍ରା ବିଦ୍ୟାଳୟ

0 Comments