ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ମୁଁ ତତେ ପାଏ ଭଲ - ପ୍ରକାଶ କୁମାର ଚାନ୍ଦ

ମୁଁ ତତେ ପାଏ ଭଲ - ପ୍ରକାଶ କୁମାର ଚାନ୍ଦ


ଆଜି କାଲି ନୁହେଁ ଅନେକ ଦିନରୁ
ମୁଁ ତତେ ପାଉଛି ଭଲ
ଯେମିତିକା କଇଁ ଜହ୍ନଟିକୁ ପାଏ
ଭଅଁରକୁ ପୁଣି ଫୁଲ ।

ଭୂଲିପାରିଛିକି ନଈକୁ ସାଗର
ରାତିକୁ ଅନ୍ଧାର କେବେ
ଛାଡିପାରିଛିକି ସୂରୁଯକୁ ଖରା
ଯାହା ହୋଇଯାଉ ଯେବେ
ପାହାଡ ଯୋଉଠି ଝରଣା ସେଇଠି
ପ୍ରେମ ଯେ ଅମୂଲ ମୂଲ   ।

ଆକାଶରୁ ମାଟି ଅନେକ ଦୂରତା
ବରଷା ମିଶାଇ ଦିଏ
ନାଆକୁ ନାଉରୀ ନାଉରୀକି ନାଆ
ଦୁହିଁଙ୍କ ପାଇଁ ତ ଦୁହେଁ
କେବେ ରହିଛି କି ଦୀପାଳିକୁ ଛାଡ଼ି
ସଳିତା ଓ ନିଆଁ ଝୁଲ  ।

ପ୍ରକାଶ କୁମାର ଚାନ୍ଦ
ଜୟପୁର ଶାସନ, ପିପିଲି, ପୁରୀ

0 Comments