ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଆମେରେ କୁସୁମ କଳି - କୁମୁଦ ଚନ୍ଦ୍ର ଦଳାଇ

ଆମେରେ କୁସୁମ କଳି - କୁମୁଦ ଚନ୍ଦ୍ର ଦଳାଇ


ଏହି ଦେଶର ବଗିଚାରେ
                       ଆମେରେ କୁସୁମ କଳି
ଫୁଲ ହୋଇ ଫୁଟିବା ଦିନେ
                      ହସିବା ଖିଲିଖିଲି  I
ବଗିଚା ମାଟି ଆମର ମାଆ
                     ବଢାଇବା ତା ଯଶ
ଆମକୁ ଦେଖି ମାଆ ଓଠରେ
                     ଫୁଟି ଉଠିବ ହସ. I
ଆମରି ବାସେ ଛୁଟି ଆସିବେ
                     ଜାତିଜାତି କା ଅଳି
ସଭିଙ୍କୁ ଆମେ ଆପଣେଇବା
                    ଭେଦ ଭାବନା ଭୁଲି. I
ସୁନ୍ଦର ପଣେ ବାତୁଳ ଜନେ
                    ସଂଚାର ହେବ ଜ୍ଞାନ
କବିଙ୍କ ମୁଖେ ଫୁଟିବ ଭାଷା
                     ଖୁସି ହୋଇବେ ଜନ  I
ଆମରି ଯତ୍ନ କରିଲେ ନିଶ୍ଚେ
                      ହୋଇବୁ ଆମେ ପୃଷ୍ଟ
ରୂପ ରଙ୍ଗରେ ହୋଇବୁ ଭରା
                      ଗଣା ହେବୁ ଉତ୍କୃଷ୍ଟ. I
ରଙ୍ଗ ବେରଙ୍ଗେ ଗଢ଼ା ହୋଇବୁ
                      ଦିଶିବ ଭାରି ତୋରା
ସବୁରି ହିତ ଗୁଣ ଯେତେକ
                        ଅଙ୍ଗେ ହୋଇବ ଭରା. I
ରୂପ ଗୁଣକୁ ବାଣ୍ଟିବୁ ନିତି
                          ଦେଶ ବିଦେଶ ଜନେ
ଜନମ ମାଟି ଗୁଣ ସୁମରି
                          ମୃତ୍ୟୁ ଲଭିବା ଦିନେ. I

Kumuda Chandra Dalei
Polasara, Ganjam, Pin-761105 

0 Comments