ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

କ - ଶ୍ରୀଜଗନ୍ନାଥ ତିରିଶା - ଇଂ ଦୀପ୍ତି ରଂଜନ ପଣ୍ଡା

କ - ଶ୍ରୀଜଗନ୍ନାଥ ତିରିଶା - ଇଂ ଦୀପ୍ତି ରଂଜନ ପଣ୍ଡା


କଳାଠାକୁର ବସିଛ ମଉନରେ କାହିଁ
କରୁଣ ଚିକ୍ରାର ଆମ୍ଭ କଣ ଶୁଭୁନାହିଁ ?
କାହାକୁ ଦେଇଛ ସବୁ କିଏ ସେ ଭିକାରୀ
କାହିଁକି କରୁଛ ପ୍ରଭୁ ତୁମେ ଏହିପରି ?
କିଏ ସେ ଭୋଗ କରୁଛି ସୁଖ ପରେ ସୁଖ
କିଆଁ ଅନ୍ୟଙ୍କର ଭାଗ୍ୟେ ଦେଇଅଛ ଦୁଃଖ ।
କୀର୍ତ୍ତିମାନ୍ ବୋଲି ତୁମ୍ଭେ ବାଜୁଛି ନାଗରା
କୀର୍ତ୍ତନ କରିବି ତୁମ୍ଭ ହୋଇଲୁ ବିଚରା ।
କୁନାମ ତୁମର ହେଲେ ସହି ପାରିବୁନି
କୁଶଳେ ପ୍ରଭୁ ରଖିଲେ ହେବୁ ଚିର ଋଣୀ ।
କୂଳକିନାରା ପାଉନୁ ସଂସାର ସାଗରେ
କୂଟକୂଟିଆ ନହୋଇ ପାର କର ଭଲେ ।
କେମିତି ଦିନ କାଟୁଛୁ ଜାଣୁନାହଁ ପିତା
କେବଳ ଟିକେ ଆଶିଷ ଆମେ କରୁ ଭିକ୍ଷା ।
କୈକେଇଙ୍କ କଥା ମାନି ବାହାବାହା ନେଲ
କୈବଲ୍ୟ ଟିକିଏ ଚାହୁଁ ଦୟାକଲେ ଭଲ ।
କୋଉ ଜନମର ପାପ ଏବେ ଭୋଗୁଅଛୁ
କୋଳେଇ ନିଅହେ ପ୍ରଭୁ ଗୁହାରୀ କରୁଛୁ ।
କୈାତୁକିଆ ମୁହିଁ ଭାବେ ତୁମ୍ଭେ ଜଗନ୍ନାଥ
କୈାତୁହଳ ମୋର ଯାହା ତାକୁ କର ନାଶ ।

(ଟୀକା = କୂଟକୂଟିଆ-କପଟିଆ, କୈାତୁକିଆ-ମନୋମୁଗ୍ଧକର, କୈାତୁହଳ-ଉତ୍କଣ୍ଠା)

ଇଂ ଦୀପ୍ତି ରଂଜନ ପଣ୍ଡା
ଆଇଗିଣିଆ, ଭୁବନେଶ୍ୱର
ଦୂରଭାଷ - ୯୪୩୭୦୮୧୩୩୩

0 Comments