ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ନୂଆଖାଇ ଜୁହାର - ସରୋଜ କୁମାର ଜେନା

ନୂଆଖାଇ ଜୁହାର - ସରୋଜ କୁମାର ଜେନା

କେଡ଼େ ସରାଗରେ ନୂଆ ଖାଇ ଆସିଛି
ସାରା ରାଇଜ ଖୁସିରେ ହସୁଛି , ମହାନଦୀ କୂଳରେ ମା ମୋର ବସିଛି
ମା ସମାଲାଇ ମୁରୁକି ହସୁଛି , ..।
ନୂଆ ହାଣ୍ଡିରେ ଭାଜି ଥାଉ ନୂଆ ଧାନ
ଚୁଡ଼ା ଗୁଜୁରାତି ହୁଏ ମିଶ୍ରଣ ,
ଭକତ କରନ୍ତି ମନ୍ଦିରେ ସମର୍ପଣ
ଗଣ ପର୍ବେ ପ୍ରସାଦ ନବ ଅନ୍ନ ..।
ବନଧୁ ପରିଜନ ସଭିଏଁ ଆସନ୍ତି
ହସି ଉଠେ ଗ୍ରାମ ହସେ ସହର ,
ଆନନ୍ଦ ଉଲ୍ଲାସେ ପାଳୁ ଗଣ ପରବ
ଅଗ୍ରଜଙ୍କୁ କରିଥାଉ ଜୁହାର ..।
ସମ୍ବଲପୁରୀ ନାଚ ,ଗୀତ ତାଳେ ତାଳେ
ପାନ ଖାଇଥାଉ ମନ ଖୁସିରେ ,
ରସରକେଲିର ସ୍ୱର ବାଜେ ମାଦଳେ
ଆ ଗୋ ବାବୁ ନାଚିବୁ ଆମରି ମେଳେ ..।
ମନେ ରଖିଥା ମିତ ,କଥାଟି ସଙ୍ଗାତ
ଆସିଅଛି ନୂଆ ଖାଇ ତିହାର ,
ବରଷକେ ଥରେ ପାଳୁ ଗଣ ପରବ
କରୁଅଛି ମୁଁ ତୁମକୁ ଜୁହାର ..।।


ସରୋଜ କୁମାର ଜେନା,
ବାଲିଝରୀ, ନରସିଂହପୁର, କଟକ, ମୋ-୮୦୧୮୫୨୬୫୩୬

0 Comments