ଜୀବନରେ ମୋର ଅଚାନକ ଆସି
ପ୍ରେମରଙ୍ଗ ଥିଲୁ ମାଖି
ସେଇ ରଙ୍ଗ ଯେବେ ଛଡେଇ ନେଲୁତୁ
ଲୁହରେ ଭିଜିଲା ଆଖି ।
ଗହନ ରାତିରେ ଶୁଣେଇ ଥିଲୁତୁ
କେତେ ପ୍ରୀତିବୋଳା ଗୀତ
କହିଥିଲୁ ମୋତେ ସାତ ଜନମକୁ
ଧରିନେବୁ ମୋର ହାତ ।
କଥା ଦେଇଥିଲୁ ସବୁ ଭୁଲିଗଲୁ
ସମୟ ରହିଲା ସାକ୍ଷୀ
ସେଇ ରଙ୍ଗ ଯେବେ ଛଡେଇ ନେଲୁତୁ
ଲୁହରେ ଭିଜିଲା ଆଖି ।
ଫଗୁଣରେ ଛାତି ଫାଟିଲା ସଜନୀ
ତୋର ପଦେକଥା ଶୁଣି
ଯେଦିନ କହିଲୁ ଆଉକାହା ପାଇଁ
ସାଜିବୁ କନିଆ ରାଣୀ ।
ମୋ ନାଁ ଲିଭେଇ ସୁହାଗ ସିନ୍ଦୂରେ
କାହା ନାଁ ଦେଲୁ ଲେଖି
ସେଇ ରଙ୍ଗ ଯେବେ ଛଡେଇ ନେଲୁତୁ
ଲୁହରେ ଭିଜିଲା ଆଖି ।
କୁଣ୍ଡିଲୋ, କେରଙ୍ଗ, ଖୋରଧା
ଦୂରଭାଷ - ୭୦୦୮୩୧୫୦୪୦
VOL.IX, ISSUE.VIII, AUGUST-2025
Published By Banamallira Mahak
ପ୍ରକାଶିତ ଲେଖାଟି ଯଦି ପଢି ସାରିଛନ୍ତି, ଆପଣଙ୍କ ପ୍ରତିକ୍ରିୟା ଏଠାରେ ନିଶ୍ଚୟ ରଖନ୍ତୁ ।