ସମାଜେ ଶଠଙ୍କ ବଢୁଛି ଟାଣ
ହୀନତା ବଢାଏ ତାଙ୍କରି ମାନ ।
ବିଦେଶୀ ପାଣିରେ ଆକୃଷ୍ଟ ମନ
କ୍ଷୀର ତାଙ୍କ ପାଇଁ ଅସମୀଚୀନ ।
ନୀଚ ମନୋଭାବେ ପାଆନ୍ତି ସୁଖ
ଅଖାଦ୍ୟ ଭକ୍ଷଣେ ଝଟକେ ମୁଖ ।
ସେ ମୁଖେ ନଥାଏ ଠାକୁର ନାମ
ବିଳାସ ବ୍ୟସନ ଅମୃତ ସମ ।
ସମୟର ମୂଲ୍ୟ ଥାଏ ଅଜଣା
ଜୁଆ ଖେଳେ ମାତି ସେ ହୃଷ୍ଟମନା ।
କୁଟୁମ୍ବ ଚିନ୍ତା ନଥାଏ ତାଙ୍କର
ଚୋର, ଥେଣ୍ଟ ସବୁ ଅତି ନିଜର ।
ସରକାରୀ ବାବୁ ତାଙ୍କ ସଙ୍ଗାତ
ଗୋଟିଏ ଥାଳିରେ ଖାଆନ୍ତି ଭାତ ।
ଦୋଷୀ ବିରୋଧରେ କାର୍ଯ୍ୟ ନହୁଏ
ସେଥିପାଇଁ ଦୋଷୀ ବଳଟି ପାଏ ।
ଆଇନ ଶୋଇପଡ଼େ ଫାଇଲ ତଳେ
ଚୋର ବୁଲୁଥାଏ କ୍ଷମତା ବଳେ ।
ଏହା ଅଟେ ଭାଇ ଦେଶକୁ କାଳ
ଭୁଷୁଡିବ ରାଷ୍ଟ୍ର ନଦେଖି ବେଳ ।
ବେଳ ଥାଉଁ ହୋଇଲେ ସଚେତନ
ସୁକାର୍ଯ୍ୟରେ ଫଳ ହେବ ସାଧନ ।
ସମ୍ବଲପୁର, ଓଡିଶା
ମୋ - ୭୯୭୮୫୬୮୩୨୨
VOL.IX, ISSUE.VI, JUNE-2025
Published By Banamallira Mahak
ପ୍ରକାଶିତ ଲେଖାଟି ଯଦି ପଢି ସାରିଛନ୍ତି, ଆପଣଙ୍କ ପ୍ରତିକ୍ରିୟା ଏଠାରେ ନିଶ୍ଚୟ ରଖନ୍ତୁ ।