ନଈ ଗିରି ଝର କାନନ ସାଗର
ସୁନାର ଫସଲ କ୍ଷେତ
ଫୁଲ ଫଳ ଭରା ପ୍ରକୃତି ପସରା
ଉଡ଼ଇ ଉତ୍କଳ ନେତ ।
ଉତ୍କଳ ସନ୍ତାନ ସବୁଠି ମହାନ
ନରଖି ମନରେ ଭୀତି
ଗଢ଼ିଣ ନିଜକୁ ବଢ଼ନ୍ତି ଆଗକୁ
ଗାଇ ଜୀବନର ଗୀତି ।
ବିଜ୍ଞାନାଗାରରେ ଗବେଷଣାଗାରେ
ପରୀକ୍ଷଣେ ରତ ଥାଇ
ନୂଆ ଉଦ୍ଭାବନେ ବିକଶିତ ଜ୍ଞାନେ
ଉତ୍କଳ ନାମ ରଖଇ ।
ସଂସ୍କାର ସୁଶିକ୍ଷା ଜନନୀର ରକ୍ଷା
ଅଟେ ଜୀବନର ଦୀକ୍ଷା
ଆଳସ୍ୟକୁ ହରେ ପରିଶ୍ରମ କରେ
ମାଗେ ନାହିଁ କେବେ ଭିକ୍ଷା ।
ମଠ ମନ୍ଦିରରେ ଭକ୍ତି ଭାବନାରେ
ହୃଦୟେ ରଖି ବିଶ୍ୱାସ
ପୂଜି ଦେବାଦେବୀ ଧ୍ୟାୟି ତାଙ୍କ ଛବି
ଲଭଇ ଆତ୍ମ ସନ୍ତୋଷ ।
ପୂଜା ପାରବଣେ ରହିଣ ବିଧାନେ
ରଖେ ନିଜ ପରମ୍ପରା
କର୍ମେ ଦେଇ ଧ୍ୟାନ ଧର୍ମ ଆଚରିଣ
ଆଣେ ସୁଖର ପସରା ।
ନାରୀ ପ୍ରତି ଧ୍ୟାନ ନାରୀ ସୁସମ୍ମାନ
ରାଜନୀତି କ୍ଷେତ୍ରେ ସ୍ଥାନ
ସମାଜ ଗଠନେ ପୁରୁଷ ସମାନେ
ନାରୀ ମଙ୍ଗଳ ବିଧାନ ।
ସୁସ୍ଥ ଏ ଓଡିଶା ସୁଖୀ ଏ ଓଡ଼ିଶା
ଭାରତେ ରହିଛି ନାମ
ଭୁବନେ ବିଦିତ ସମ୍ମାନ ସହିତ
ରଖିବା ଆମରି କାମ ।
ସମ୍ବଲପୁର, ଓଡିଶା
ମୋ - ୭୯୭୮୫୬୮୩୨୨
VOL.IX, ISSUE.V, MAY-2025
Published By Banamallira Mahak
ପ୍ରକାଶିତ ଲେଖାଟି ଯଦି ପଢି ସାରିଛନ୍ତି, ଆପଣଙ୍କ ପ୍ରତିକ୍ରିୟା ଏଠାରେ ନିଶ୍ଚୟ ରଖନ୍ତୁ ।