ରେ ମଣିଷ !
ସନ୍ଦେହ ଅଟଇ ହଳାହଳ ବିଷ
ଜୀବନରେ ଯେବେ ଛାଡ଼ି ନ ପାରିଲୁ,
ମରଣ ଯାଏରେ ଲଭିବୁ କ୍ଳେଶ ।୦।
ବୁନ୍ଦାଏ ବିଷରେ ଗୋଟିଏ ମରଣ,
ଟିକିଏ ସନ୍ଦେହ ମାରେ କୋଟି ମନ ।
ତା’ଭିତରେ ଥାଇ ନିଜେ ମରୁଥାଇ,
ଗାଳିବା ଆଗରୁ ଅନ୍ୟକୁ ବିଷ ।୧।
ରେ ମଣିଷ ! ସନ୍ଦେହ ଅଟଇ ହଳାହଳ ବିଷ....
ଶବ ସିନା ଜଳେ ଜଳନ୍ତା ନିଆଁରେ,
ଜୀବ କୁହୁଳଇ ସନ୍ଦେହ ଧୁଆଁରେ ।
ଜଳିପାରେ ନାହିଁ ମରି ପାରେ ନାହିଁ,
ଦୁର୍ଲଭ ଜନମ ଦୁଃଖରେ ଶେଷ ।୨।
ରେ ମଣିଷ ! ସନ୍ଦେହ ଅଟଇ ହଳାହଳ ବିଷ...
ପୁରୁଣାଗଡ଼, ଜଗତସିଂହପୁର
ଦୂରଭାଷ -୯୭୭୬୬୯୨୨୦୭
VOL.IX, ISSUE.III, MARCH-2025
Published By Banamallira Mahak
ପ୍ରକାଶିତ ଲେଖାଟି ଯଦି ପଢି ସାରିଛନ୍ତି, ଆପଣଙ୍କ ପ୍ରତିକ୍ରିୟା ଏଠାରେ ନିଶ୍ଚୟ ରଖନ୍ତୁ ।