ଶରତେ ମାଆ - ପ୍ରଣତି ମହାପାତ୍ର

ଶରତେ ମାଆ - ପ୍ରଣତି ମହାପାତ୍ର

ଶରତେ ମାଆ
🏵🏵🏵🏵🏵

ଶରତର କାଶତଣ୍ଡୀ ଖିଲି ଖିଲି ହସେ
ମାଆର ଆଗମନ ପାଇ,
ଗଗନର ମେଘମାଳା କଳାଓଢଣା ଫାଙ୍କରୁ
ସ୍ଵାଗତ ବି କରଇ।
ଧରାବତରଣ କରିଛନ୍ତି ମା ଉଲ୍ଲସିତ ପୁରବାସୀ,
ଶୁଭାଶିଷ ଦେଇ କରୁଣା ବାରିରେ ଢାଳିବେ କେତେ ଖୁସି।
ପ୍ରଥମରେ ଶୈଳପୁତ୍ରୀ ଶାନ୍ତିମୟୀ,
ଦ୍ଵିତୀୟେ ବ୍ରହ୍ମଚାରିଣୀ ଭକ୍ତିମୟୀ,
ତୃତୀୟେ ଚନ୍ଦ୍ରଘଣ୍ଟା ଆଦରଣୀୟା ମା,
ଚତୁର୍ଥରେ କୁଷ୍ମାଣ୍ଡା ମା ତୁ କର୍ମମୟୀ,
ପଞ୍ଚମରେ ସ୍କନ୍ଧମାତା କରୁଣାମୟୀ ମା,
ଷଷ୍ଠରେ ତୁ କାତ୍ୟାୟନୀ ଉତ୍ସାହମୟୀ,
ସ୍ନେହମୟୀ ସପ୍ତମେ ତୁ କାଳରାତ୍ରୀ ମାଆ,
ପ୍ରେରଣାଦାୟୀ ଅଷ୍ଟମେ ମହାଗୌରୀ ମାଆ,
ସେବାମୟୀ ସିଦ୍ଧିଦାତ୍ରୀ ଦେବୀ ନବମରେ ,
ନବବେଶେ ନବରୂପେ ପୂଜା ପାଉ ଏ ଧରାରେ।
ଦୁଃଖ କ୍ଲେଶ, ଯନ୍ତ୍ରଣାକୁ ଦୂରୀଭୂତ କରି,
ଢାଳିଦିଅ ଏ ଧରାରେ ସୁଖଶାନ୍ତି ବାରି।
କୋଟିପ୍ରଣିପାତ ଘେନ ମୋର ଦୁର୍ଗତି ନାଶିନୀ,
ତବ ପାଦତଳେ କରେ ଏତିକି ଦୟିନୀ।

🏵🏵🏵🏵🏵🏵
ପ୍ରଣତି ମହାପାତ୍ର
ବାଲେଶ୍ଵର

ରଚନା : Pranati Mahapatra
ଠିକଣା : ଫକୀରମୋହନ ନଗର
ବାଲେଶ୍ଵର
ବିଭାଗ :
ସମ୍ପାଦନ ତାରିଖ : Oct 05, 2019

0 Comments