କବିତା ଭ୍ରମଣ କରି ଦେଖିବେ ପ୍ରଭୁ ସର୍ବତ୍ର - ବି.ନିରୁପମା

କବିତା ଭ୍ରମଣ କରି ଦେଖିବେ ପ୍ରଭୁ ସର୍ବତ୍ର - ବି.ନିରୁପମା



ବୃଷଭ ବାହନେ ବିଜେ ଶ୍ରୀ ମହେଶ୍ବର,
ମାଆଙ୍କୁ ନେଇ ଆସିବେ ମରତପୁର ।
ସାଥିରେ ଆସିବେ ତାଙ୍କ ଶ୍ରୀ ଗଜାନନ,
କରିବାକୁ ମର୍ତ୍ତ୍ୟପୁରେ ତୀର୍ଥ ଭ୍ରମଣ  

ଶିବାଳୟ,ଶକ୍ତିପୀଠ,ଗଣେଶ କ୍ଷେତ୍ର ,
ଭ୍ରମଣ କରି ଦେଖିବେ ପ୍ରଭୁ ସର୍ବତ୍ର ।
ଭକତଙ୍କ ପାଶେ ମିଳି ଶୁଣି ଗୁହାରି ,
ଦୁଃଖ,ଶୋକ ସଙ୍କଟରୁ କରିବେ ପାରି ।

ଆଶୁତୋଷ ଅଳପରେ ହୋଇ ପ୍ରସନ୍ନ,
ଆଶିଷ ଦେବେ ଭକ୍ତଙ୍କୁ ଦେଇ ଦର୍ଶନ ।
 ଦେଖି ସନ୍ତାନମାନଙ୍କ ଭାବ ଭକତି,
 ବିତରି ଦେବେ ମାଆ ତ ତାଙ୍କ ଶକତି ।

ପଣତର ଆଢୁଆଳେ ରଖିବେ ଢାଙ୍କି,
ବିପଦୁ ତରିବେ ଭକ୍ତ ମାଆଙ୍କୁ ଡାକି ।

ଗଣପତି ଦେବଙ୍କୁ ଯେ ପାରିବ ତୋଷି,
କୃପାକରି ଦେବେ ତା'ର ଅଜ୍ଞାନ ନାଶି ।
ବିଦ୍ୟା,ବୁଦ୍ଧିରେ ସେ ପରା ହେବ ପ୍ରବୀଣ,
ଜ୍ଞାନୀ, ଗୁଣୀ ହିସାବରେ ହୋଇବ ଗଣ୍ୟ ।

ଏ ତିନି ମୂରତି ଦେଲେ ଏକାଠି ଦେଖି ,
ପବିତ୍ର ହୋଇବ ନିଶ୍ଚେ ଆମରି ଆଖି ।
ଘୁଞ୍ଚିଯିବ ଦୁଃଖ, ଶୋକ,ବାଧା-ବିପତ୍ତି,
ଉଦ୍ଧରି ଧରିବେ ସେ ତ ଦେଇ ଶକତି ।

ମାମୁରିଆ, ଛେଣ୍ଡିପଦା,ଅନୁଗୋଳ ।

0 Comments