OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଅମର ଆତ୍ମାର ଶାନ୍ତି ପାଇଁ - ବିଷ୍ଣୁ ପ୍ରସାଦ ମିଶ୍ର

ଅମର ଆତ୍ମାର ଶାନ୍ତି ପାଇଁ - ବିଷ୍ଣୁ ପ୍ରସାଦ ମିଶ୍ର


କିଞ୍ଚିତ ହେଲା ସଞ୍ଚିତ ଆଶା
ବାଞ୍ଛିତ ଥିବା ମନେ,
ଅପମାନ ଆଉ ଅପେକ୍ଷିତ କେତେ
କରୁଥିବା ସବୁଦିନେ. ୦
ପ୍ରତାରଣା ଆଜି ପ୍ରତିଶୋଧ ସାଜି
ହଜାଇ ଦେଇଛି ନିଦ,
ଜାଣୁ ବର୍ବର, ଫଳ ଗର୍ବ ର, ମୂଳୁ
ଲିଭୁ ସନ୍ତ୍ରାସବାଦ. ୧
ହସୁ ରେ ଶହୀଦ ଶୁଣି ପ୍ରତିଯୁଦ୍ଧ
ଗୁପ୍ତଭେଦ ର ବାର୍ତ୍ତା,
ବର୍ତ୍ତିନି କେହି ଏଠି ଦେଶଦ୍ରୋହୀ 
"ଏ" ଭାରତ ବୀର ମାତା. ୨
ଏ" ମାଟିର ପୁଅ ଜାଣେ ଚ଼କ୍ରବ୍ୟୁହ
ଗଢ଼େ ଶଦ୍ଦଭେଦି ଶର,
ଶିରଚ୍ଛେଦି ପାରେ ବ୍ରହ୍ମାସ୍ତ୍ର ଫୋପାଡ଼ି
ଉଡ଼ିପାରେ ସପ୍ତପୁର. ୩
କୁହୁକ ଯୁଦ୍ଧରେ ମୋହ କରିପାରେ
ଲକ୍ଷେକ ସନ୍ତ୍ରାସବାଦ,
ଜଳେ ସ୍ଥଳେ ବ୍ୟୋମେ ଭେଦନ୍ତି ଦୁର୍ଗମେ
ଶତୃ ସ୍କନ୍ଧ କରି ଛେଦ. ୪
ସେ ବୀର ଜନନୀ ସନ୍ତାନ ଜାଗିଛି
ଖୋଜୁଛି ଶତୃ କୁ ତାର,
କୁକୁର ପରି କି ଲୁଚିଲେ ଛାଡ଼ିବ
ଗୋଡ଼ାଇ ମୋଡ଼ିବ ଶିର. ୫
କଳେ ବଳେ ଅବା କୌଶଳରେ ପଶି
ରଚ଼ିବ ଧ୍ବଂସ ପ୍ରଳୟ,
ସନ୍ତ୍ରାସବାଦ କୁ ସମୂଳେ ବିନାଶି
କରି ଶତୃ କୂଳ କ୍ଷୟ. ୬
ଆଖି ଉଠାଇବ ଯିଏ ରେ ଭାରତେ
ଆଖି ତାର ଦିଅ ତାଡ଼ି,
ଅଙ୍ଗୁଳି ଯିଏ ରେ ଦେଖାଏ ଆମକୁ
ହାତ ଗୋଡ଼ ଦିଅ ମୋଡ଼ି. ୭
ଜାଣୁ ସେ କୁକୁର ଶକ୍ତି ଭାରତର
ତା ସନ୍ତାନେ କେତେ ବଳ,
ଶହୀଦ ଆତ୍ମାକୁ ଟିକି ଶ୍ରଦ୍ଧାଞ୍ଜଳି
ଘେନ ହେ ଭାରତ ବୀର. ୮

ବିଷ୍ଣୁ ପ୍ରସାଦ ମିଶ୍ର
ରଥଶର୍ମା କଲୋନୀ, କୋରାପୁଟ 

0 Comments