Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ମୁଁ ଗଲା ପରେ - ରମାକାନ୍ତ ମିଶ୍ର

ମୁଁ ଗଲା ପରେ ତୁମ ଲୁହ ଭିଜା ଆଖି
ତାହା ମୁଁ ପାରିବିନି ଦେଖି
ଏବେ କାହିଁକି ସେ କଥା ହେବ ନାହିଁ ରଖି ?
ଶବ ଉପରେ ଫୁଲମାଳ ଥିବ ରଖି
ମୁଁ କିନ୍ତୁ ପାରିବିନି ଦେଖି
ଏବେ କାହିଁକି ଫୁଲକୁ କରୁନ ସାଖି ?
ତୁମେ କରିବ ବର୍ଷା ପ୍ରଶଂସା ର ବାଣୀ
ମୁଁ କିନ୍ତୁ ପାରିବିନି ଶୁଣି
ଏବେ କାହିଁକି ପ୍ରଶଂସା ରୁ କରୁଛ ରୁଣୀ ?
ଭୁଲି ଯିବ ତୁମେ ମୋର ସବୁ ଭୁଲକୁ
ମୁଁ ପାଇବିନି ଜାଣି ପାରିବାକୁ
ତେବେ ଏବେ ଠାରୁ ଭୁଲୁନ ମୋ ଭୁଲକୁ ?
ମୋ ଅନୁପସ୍ଥିତି କରିବ ଅନୁଭବ
ମୁଁ କିନ୍ତୁ ପାଇବିନି କିଛି ଅନୁଭବ
ଏବେ ଠାରୁ ମୋ ଅନୁପସ୍ଥିତି କର ଅନୁଭବ !
ସେତେବେଳେ ଇଛ୍ଛା ହେବ ଜାଗ୍ରତ
ଭଲା ଆଉ କିଛି ଦିନ ରହିଥାନ୍ତ !
ଏବେ ହେଲେ କଟାଅ କିଛି ମୁହୂର୍ତ୍ତ ମୋ ସହିତ ?
ମୁଁ ଗଲା ପରେ ତୁମେ ଆସିବ ମୋ ଘରକୁ
ଅଶୃପୂର୍ଣ ସମବେଦନା ଜଣାଇବାକୁ
ଏବେ ହେଲେ ଥରେ ଆସନ୍ତ ମୋ ଘରକୁ ?


ରମାକାନ୍ତ ମିଶ୍ର
ଭି.ଆଇ.ଏମ. - ୨୬୮ ଶୈଳଶ୍ରୀ ବିହାର, ଭୂବନେଶ୍ୱର - ୭୫୧୦୨୧

Post a Comment

0 Comments