ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ମୁକ୍ତି ଏ କେଉଁ ଭଳି - କବିତା ପଟ୍ଟନାୟକ

ମୁକ୍ତି ଏ କେଉଁ ଭଳି - କବିତା ପଟ୍ଟନାୟକ


ନାରୀ ମୁକ୍ତିର ଡିଣ୍ଡିମ ବାଜୁଛି
ମୁକ୍ତି କାଳିମା ବୋଳି
ତିକ୍ତ ସ୍ୱଦର ଲାଞ୍ଛନା ଭାଳି
ଜିହ୍ୱା ତା ଯାଇଛି ଜଳି
କହ ମୁକ୍ତି ଏ କେଉଁ ଭଳି
ଏବେବି ଝରୁଛି ତା ଆଖିରୁ ଲୁହ
ଛାତିରେ ଭରିଛି କୋହ
ସମାଜ ଯଜ୍ଞେ ନିଜକୁ ନିଜେହିଁ
ଇନ୍ଧନ କରି ରଚିଅଛି ସିଏ
ନିରବରେ ବିଦ୍ରୋହ ।
ରନ୍ଧନ ଶାଳା ବନ୍ଧନ କାଟି
ରାଜପଥ ପରେ ସଂଗ୍ରମେ ଅବତରି
କଷଣ ଆଘାତେ ପାଷାଣ ସାଜିସେ
।ବାସନା ଭର୍ ଛନା ଏକାକାର କରି
ଆଞ୍ଜୁଳାରେ ନିଏ ଭରି
ସିଏ ଚିର ବନ୍ଦିତା ନାରୀ ।
ଅବଗୁଣ୍ଠିତା ହୋଇ ଲୁଣ୍ଠିତା
ଅପେକ୍ଷାରେ ଉପେକ୍ଷିତ
ରାଜମହଲରୁ ରାଜରାସ୍ତା ଯାଏ
ସବୁଠି ସେ ନିଷ୍ପେସିତ ।
ସମାଜ ମଙ୍ଗଳ ମହିଳା ସମିତି
ମଇଳା ସଜାଏ ତାକୁ ନିତି ନିତି
ସୁପ୍ତ କାଳିମା ବୋଳି
କହ ମୁକ୍ତି ଏ କେଉଁ ଭଳି ?
ବାଧା ବନ୍ଦନ କରି ଚନ୍ଦନ
ନିତି ସୃଜୁଥାଏ ଅମୃତ ନନ୍ଦନ
ଲୁହର ମଦିରା ପିୟୁଷ ପୟବେ
ନିତି କରୁଥାଏ ପାନ
ଶବ୍ଦ ନୁହେଁ ନାରୀ
ଦୁଇଟି ଅକ୍ଷର ଅପୂର୍ବ ମିଳନ
ନାରୀ ଏକ ଆନ୍ଦୋଳନ !!!!!


କବିତା ପଟ୍ଟନାୟକ, ଖୋର୍ଦ୍ଧା

0 Comments